ಹೊಸದಿಲ್ಲಿ: ಯುಪಿಐ ಮೂಲಕ ನೌಕರರ ಭವಿಷ್ಯ ನಿಧಿ (ಇಪಿಎಫ್) ಹಣ ಹಿಂಪಡೆಯಲು ಸದಸ್ಯರಿಗೆ ಅವಕಾಶ ನೀಡುವ ಹೊಸ ಇಪಿಎಫ್ಒ ಮೊಬೈಲ್ ಆ್ಯಪ್ ಅನ್ನು ಇಪಿಎಫ್ಒ ಶೀಘ್ರದಲ್ಲಿ ಅನಾವರಣಗೊಳಿಸಲಿದೆ.
ನೌಕರರ ಭವಿಷ್ಯನಿಧಿ ಇಪಿಎಫ್ಒ ಚಂದಾದಾರರು ಈ ವರ್ಷದ ಎಪ್ರಿಲ್ನಲ್ಲಿ ಬಿಡುಗಡೆ ಆಗಲಿರುವ, ಹೊಸದಾಗಿ ವಿನ್ಯಾಸಗೊಳಿಸಲಾದ ಮೊಬೈಲ್ ಅಪ್ಲಿಕೇಶನ್ ಬಳಸಿ ಯುಪಿಐ ಪಾವತಿ ಗೇಟ್ವೇ ಮೂಲಕ ಇಪಿಎಫ್ ಹಣವನ್ನು ನೇರವಾಗಿ ತಮ್ಮ ಬ್ಯಾಂಕ್ ಖಾತೆಗಳಿಗೆ ಹಿಂಪಡೆಯಲು ಅವಕಾಶ ಕಲ್ಪಿಸಲಾಗುತ್ತದೆ.
ಕಾರ್ಮಿಕ ಸಚಿವಾಲಯವು ಇಪಿಎಫ್ನ ಒಂದು ನಿರ್ದಿಷ್ಟ ಭಾಗವನ್ನು ಸ್ಥಗಿತಗೊಳಿಸುವ ಯೋಜನೆಯಲ್ಲಿ ಕೆಲಸ ಮಾಡುತ್ತಿದೆ. ಏಕೀಕೃತ ಪಾವತಿ ಇಂಟರ್ ಫೇಸ್ (ಯುಪಿಐ) ಬಳಸಿ ಅವರ ಬ್ಯಾಂಕ್ ಖಾತೆಯ ಮೂಲಕ ಹಿಂಪಡೆಯಲು ದೊಡ್ಡ ಭಾಗ ಲಭ್ಯವಿರುತ್ತದೆ ಎಂದು ಮೂಲಗಳು ತಿಳಿಸಿವೆ.
ಸದ್ಯ ನೌಕರರು ತಮ್ಮ ಇಪಿಎಫ್ ಖಾತೆಗಳನ್ನು ಬಳಸಲು ಮತ್ತು ಅವರ ಸೇವೆಗಳನ್ನು ಪಡೆಯಲು ಯುನಿವರ್ಸಲ್ ಅಕೌಂಟ್ ನಂಬರ್(ಯುಎಎನ್) ಪೋರ್ಟಲ್ ಅಥವಾ ಉಮಂಗ್ ಆ್ಯಪ್ ಬಳಸುತ್ತಿದ್ದಾರೆ.