ಮಂಗಳೂರು: ಸುಳ್ಯ ತಾಲೂಕಿನ ಕೊಲ್ಲಮೊಗ್ರು ಗ್ರಾಮ ಪಂಚಾಯತ್‌ನ ಉಪಾಧ್ಯಕ್ಷನ ಮೇಲೆ ಕಳ್ಳತನ ಆರೋಪದಡಿ ಕಡಬ ತಾಲೂಕಿನ ಸುಬ್ರಹ್ಮಣ್ಯ ಪೊಲೀಸ್ ಠಾಣೆಯಲ್ಲಿ FIR (ನಂಬರ್ 0051/2025) ದಾಖಲಾಗಿದೆ. ಗ್ರಾಮ ಪಂಚಾಯತ್‌ನ ಪಿಡಿಓ ದೂರು ಸಲ್ಲಿಸಿದ್ದು, ಈ ಕ್ರಮ ಗ್ರಾಮಸ್ಥರ ಭ್ರಷ್ಟಾಚಾರ ವಿರೋಧಿ ಹೋರಾಟಕ್ಕೆ ದೊಡ್ಡ ಜಯ ತಂದಿದೆ.
ಗ್ರಾಮದ ಪ್ರತಿ ಮನೆಯ ಸದಸ್ಯರು ಒಗ್ಗೂಡಿ, ಭ್ರಷ್ಟಾಚಾರದ ವಿರುದ್ಧ ಧ್ವನಿ ಎತ್ತಿದ್ದರಿಂದ ಈ ಕಾನೂನು ಕ್ರಮ ಸಾಧ್ಯವಾಯಿತು. ಕೊಲ್ಲಮೊಗ್ರು ಗ್ರಾಮಸ್ಥರು ಈ ಗೆಲುವಿನ ಸಂತಸದಲ್ಲಿ ಮುಳುಗಿದ್ದು, ತಮ್ಮ ಒಗ್ಗಟ್ಟಿನ ಶಕ್ತಿಯನ್ನು ಆಕರ್ಷಕವಾಗಿ ತೋರಿಸಿದ್ದಾರೆ.
“ನಮ್ಮ ಗ್ರಾಮದಲ್ಲಿ ನೀತಿ-ನ್ಯಾಯದ ಹೋರಾಟಕ್ಕೆ ಇದು ಒಂದು ದೊಡ್ಡ ಹೆಜ್ಜೆ,” ಎಂದು ಸ್ಥಳೀಯ ಹೋರಾಟಗಾರರು ಹರ್ಷ ವ್ಯಕ್ತಪಡಿಸಿದ್ದಾರೆ.