ವಾಷಿಂಗ್ಟನ್: ಅಮೆರಿಕ ಸರ್ಕಾರ ಸ್ಥಗಿತಗೊಂಡು 24 ಗಂಟೆಗಳಾದರೂ, ರಾಜಕೀಯ ಬಿಕ್ಕಟ್ಟು ಕಡಿಮೆಯಾಗುವ ಲಕ್ಷಣಗಳು ಗೋಚರಿಸುತ್ತಿಲ್ಲ. ಡೆಮೋಕ್ರಾಟ್‌ಗಳು ಮತ್ತು ರಿಪಬ್ಲಿಕನ್ನರು ಆರೋಗ್ಯ ರಕ್ಷಣಾ ನಿಧಿ ಹಾಗೂ “ಅಫರ್ಡೇಬಲ್ ಕೇರ್ ಆಕ್ಟ್” ಸಬ್ಸಿಡಿ ಕುರಿತಂತೆ ಬಿಕ್ಕಟ್ಟಿನಲ್ಲಿ ಸಿಲುಕಿಕೊಂಡಿದ್ದು, ಲಕ್ಷಾಂತರ ಫೆಡರಲ್ ಕಾರ್ಮಿಕರು ನೇರ ಹಾನಿಯನ್ನು ಅನುಭವಿಸುತ್ತಿದ್ದಾರೆ.
ಬಿಕ್ಕಟ್ಟಿನ ಮೂಲ
ಅಫರ್ಡೇಬಲ್ ಕೇರ್ ಕಾಯ್ದೆಯಡಿಯಲ್ಲಿ ನೀಡುವ ಸಬ್ಸಿಡಿಗಳನ್ನು ವಿಸ್ತರಿಸಬೇಕು ಎಂದು ಡೆಮೋಕ್ರಾಟ್‌ಗಳು ಒತ್ತಾಯಿಸುತ್ತಿದ್ದಾರೆ. ಇದರಿಂದ ವಿಮೆ ಕಂತುಗಳು (Premiums) ಹೆಚ್ಚಾಗುವುದನ್ನು ತಡೆಯಬಹುದು ಎಂದು ಅವರ ವಾದ. ಆದರೆ ರಿಪಬ್ಲಿಕನ್ನರು ಇಂತಹ “ಖರ್ಚಿನ ಕರಪತ್ರ”ಗಳನ್ನು ಖರ್ಚು ಮಸೂದೆಯಲ್ಲಿ ಸೇರಿಸಬಾರದು ಎಂದು ತೀರ್ಮಾನಿಸಿದ್ದಾರೆ. ಇದರಿಂದ ಕಾಂಗ್ರೆಸ್ ಬಜೆಟ್ ಅಂಗೀಕಾರವಾಗದೇ ಸರ್ಕಾರ ಸ್ಥಗಿತಗೊಂಡಿದೆ.
ಇದರಿಂದ 7.5 ಲಕ್ಷ ಫೆಡರಲ್ ಕಾರ್ಮಿಕರು ಕೆಲಸದಿಂದ ಹೊರಗಡೆ ಹೋಗಿದ್ದಾರೆ ಅಥವಾ ವೇತನವಿಲ್ಲದೆ ಕೆಲಸ ಮಾಡುತ್ತಿದ್ದಾರೆ. ಪೆನ್ಸಿಲ್ವೇನಿಯಾದ ಲಿಬರ್ಟಿ ಬೆಲ್ ರಿಂದ ಹವಾಯಿಯ ಪರ್ಲ್ ಹಾರ್ಬರ್ ವರೆಗಿನ ರಾಷ್ಟ್ರದ ಪ್ರಮುಖ ತಾಣಗಳು ಮುಚ್ಚಲ್ಪಟ್ಟಿವೆ. ಸರ್ಕಾರ ಸ್ಥಗಿತದಿಂದ ಅಮೆರಿಕಾಕ್ಕೆ ಪ್ರತಿ ದಿನ ಸುಮಾರು 400 ಮಿಲಿಯನ್ ಡಾಲರ್‌ ನಷ್ಟವಾಗುತ್ತಿದೆ ಎಂದು ಕಾಂಗ್ರೆಸ್ ಬಜೆಟ್ ಆಫೀಸ್ ಅಂದಾಜು ನೀಡಿದೆ.
ನಾಗರಿಕರು ಸಂಕಷ್ಟದಲ್ಲಿ:
ಸರ್ಕಾರ ಸ್ಥಗಿತಗೊಂಡಿರುವುದರಿಂದ ಶಾಲೆಗಳಲ್ಲಿ ನಾಗರಿಕ ಹಕ್ಕುಗಳ ತನಿಖೆ, ವಿದ್ಯಾರ್ಥಿ ನೆರವು ಪ್ರಕ್ರಿಯೆ, ಸ್ಥಳೀಯ ಯೋಜನೆಗಳಿಗೆ ಅನುದಾನ ವಿತರಣೆ – ಎಲ್ಲವೂ ಸ್ಥಗಿತಗೊಂಡಿವೆ. ವಿಮಾನಯಾನ ವಲಯದಲ್ಲಿ 13,000 ಕ್ಕೂ ಹೆಚ್ಚು ವಾಯು ಸಂಚಾರ ನಿಯಂತ್ರಕರು ವೇತನವಿಲ್ಲದೆ ಕರ್ತವ್ಯ ನಿರ್ವಹಿಸುತ್ತಿದ್ದು, ದೇಶದ ಸುರಕ್ಷತೆಗೆ ಅಪಾಯ ಎದುರಾಗಬಹುದು ಎಂದು ಒಕ್ಕೂಟಗಳು ಎಚ್ಚರಿಸಿವೆ. ಉದ್ಯಾನವನಗಳು, ವಸ್ತುಸಂಗ್ರಹಾಲಯಗಳು, ಗ್ರಂಥಾಲಯಗಳು ಮುಚ್ಚಲ್ಪಟ್ಟಿದ್ದು, ಪ್ರವಾಸಿಗರು ನಿರಾಶರಾಗಿದ್ದಾರೆ.
ರಾಜಕೀಯ ಆರೋಪ – ಪ್ರತ್ಯಾರೋಪ
ಟ್ರಂಪ್ ಆಡಳಿತ: “ಡೆಮೋಕ್ರಾಟ್‌ಗಳು ಅಕ್ರಮ ವಲಸಿಗರ ಆರೋಗ್ಯ ರಕ್ಷಣೆಯನ್ನು ಅಮೆರಿಕನ್ ಜನರಿಗಿಂತ ಮೇಲುಗೈ ಮಾಡುತ್ತಿದ್ದಾರೆ” ಎಂದು ಆರೋಪಿಸಿದರೆ ಡೆಮೋಕ್ರಾಟ್ ನಾಯಕರು ರಿಪಬ್ಲಿಕನ್ನರು ಜನರ ಜೀವನೋಪಾಯವನ್ನು ಪಣಕ್ಕಿಟ್ಟು ರಾಜಕೀಯ ಆಟವಾಡುತ್ತಿದ್ದಾರೆ ಎಂದುಪ್ರತಿಕ್ರಿಯಿಸಿದ್ದಾರೆ.
ಸೆನೆಟ್ ಡೆಮಾಕ್ರಟಿಕ್ ನಾಯಕ ಚಕ್ ಶುಮರ್ ಪ್ರಕಾರ “ಟ್ರಂಪ್ ಅಮೆರಿಕನ್ ಜನರನ್ನು ಗುಲಾಮರಾಗಿ ಬಳಸುತ್ತಿದ್ದಾರೆ” ಎಂದು ಗಂಭೀರ ಆರೋಪ ಮಾಡಿದ್ದಾರೆ. ಒಟ್ಟಿನಲ್ಲಿ, ರಾಜಕೀಯ ಬಿಕ್ಕಟ್ಟು ಪರಿಹಾರವಾಗದಿದ್ದರೆ, ಅಮೆರಿಕ ಆರ್ಥಿಕತೆ, ಸೇವೆಗಳು ಮತ್ತು ನಾಗರಿಕ ಜೀವನ ಗಂಭೀರ ಹೊಡೆತ ಎದುರಿಸಬೇಕಾಗಿದೆ.
ಸರ್ಕಾರ ಸ್ಥಗಿತ ಎಂದರೇನು?
ಅಮೆರಿಕಾದಲ್ಲಿ ಬಜೆಟ್ ಅಂಗೀಕಾರವಾಗದಿರುವ ಕಾರಣದಿಂದಾಗಿ ಸರ್ಕಾರ ಸ್ಥಗಿತಗೊಂಡಿದೆ. ಸರ್ಕಾರಿ ಸ್ಥಗಿತವು ಅಂದರೆ ಅನಿವಾರ್ಯವಲ್ಲದ ಎಲ್ಲಾ ಸರ್ಕಾರಿ ಸೇವೆಗಳು ತಾತ್ಕಾಲಿಕವಾಗಿ ನಿಂತಿದೆ. ಜೀವ ಮತ್ತು ಆಸ್ತಿಯನ್ನು ರಕ್ಷಿಸುವ ಸೇವೆಗಳು ಮಾತ್ರ ಇರುತ್ತದೆ. ಆದರೆ ಇವುಗಳ ನೌಕರರು ಕೂಡ ವೇತನ ಪಡೆತಯವುದಿಲ್ಲ. ಸ್ಥಗಿತ ಮುಗಿದ ಮೇಲೆ ಮಾತ್ರ ಪಾವತಿ ಪಡೆಯುತ್ತಾರೆ. ಉಳಿದ ಸರ್ಕಾರಿ ನೌಕರರು ಬಲವಂತವಾಗಿ ರಜೆಗೆ ಕಳುಹಿಸಲ್ಪಡುತ್ತಾರೆ.
ಇತ್ತೀಚಿನ ಚರ್ಚೆಗಳಲ್ಲಿ ಸೆನೆಟ್ ಬಹುಮತದ ನಾಯಕ ಚಕ್ ಶುಮರ್, ಅಲ್ಪಮತದ ನಾಯಕ ಜಾನ್ ಥೂನ್, ಹೌಸ್ ಸ್ಪೀಕರ್ ಮೈಕ್ ಜಾನ್ಸನ್ ಮತ್ತು ಹೌಸ್ ಡೆಮಾಕ್ರಟಿಕ್ ನಾಯಕ ಹಕೀಮ್ ಜೆಫ್ರಿಸ್ ಭಾಗವಹಿಸಿದ್ದರು. ಆದರೆ, ಆರೋಗ್ಯ ರಕ್ಷಣಾ ಕಾಯ್ದೆ ಕುರಿತಂತೆ ಡೆಮೋಕ್ರಾಟ್‌ಗಳ ಬೇಡಿಕೆಯನ್ನು ಪರಿಗಣಿಸಲು ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಉತ್ಸಾಹ ತೋರಿಲ್ಲ. ಇದರಿಂದ ರಾಜಕೀಯ ಬಿಕ್ಕಟ್ಟು ಉಂಟಾಗಿ, ಅಮೆರಿಕ ಸರ್ಕಾರ ಸ್ಥಗಿತಗೊಳ್ಳುವ ಸ್ಥಿತಿ ಉಂಟಾಗಿದೆ.
