ಮಂಗಳೂರು: ಜೀವನದ ಸವಾಲುಗಳಿಗೆ ಪರಿಹಾರ ಕಂಡುಕೊಳ್ಳಲು ಧ್ಯಾನಯೋಗದ ಮಹತ್ವ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಇದೇ ಹಿನ್ನೆಲೆಯಲ್ಲಿ “ಉತ್ತಮ ಜೀವನ ನಿರ್ವಹಣೆಗಾಗಿ ಹಿಮಾಲಯದ ಧ್ಯಾನಯೋಗ” ಎಂಬ ವಿಷಯದ ಕುರಿತು ಪರಮ ವಂದನೀಯ ಗುರುಮಾ ಅವರಿಂದ ವಿಶೇಷ ಪ್ರವಚನ ಮಂಗಳೂರಿನಲ್ಲಿ ನಡೆಯಲಿದೆ ಎಂದು ಆಯೋಜಕರಾದ ಚಂದ್ರಶೇಖರ ಹೇಳಿದರು.
ಮಂಗಳೂರಿನ ಪ್ರೆಸ್‌ಕ್ಲಬ್‌ನಲ್ಲಿ ಮಾತಾಡಿದ ಅವರು, ಸೆಪ್ಟೆಂಬರ್ 9, 2025 ರಂದು ಸಂಜೆ 5 ಗಂಟೆಗೆ ಮಣ್ಣಗುಡ್ಡೆಯ ಸಂಘನಿಕೇತನ ಸಭಾಂಗಣದಲ್ಲಿ ಈ ಕಾರ್ಯಕ್ರಮ ಆಯೋಜನೆಯಾಗಲಿದ್ದು, ಎಲ್ಲಾ ವಯಸ್ಸಿನ ಜನರಿಗೆ ಮುಕ್ತವಾಗಿದೆ ಎಂದರು.
ಹಿಮಾಲಯ ಧ್ಯಾನಯೋಗದ ಪಯಣ
ಹಿಮಾಲಯ ಧ್ಯಾನಯೋಗ ಸಂಸ್ಥಾಪಕ ಸದ್ಗುರು ಶಿವಕ್ಷವಾನಂದ ಸ್ವಾಮೀಜಿ, ಅನೇಕ ವರ್ಷಗಳ ಹಿಮಾಲಯ ಸಾಧನೆಯ ಬಳಿಕ ಆತ್ಮಸಾಕ್ಷಾತ್ಕಾರವನ್ನು ಪಡೆದವರು. ಕಳೆದ 25 ವರ್ಷಗಳಿಂದ ಅವರು ಸಮಾಜಕ್ಕೆ ಧ್ಯಾನದ ಗಹನ ಜ್ಞಾನ ಹಂಚುತ್ತಿದ್ದಾರೆ. ಈ ಜ್ಞಾನವನ್ನು ಮೊತ್ತಮೊದಲು ತಮ್ಮ ಧರ್ಮಪತ್ನಿ ಹಾಗೂ ಶಿಷ್ಯೆಯಾದ ಗುರುಮಾಗೆ ನೀಡಿದ್ದರು.
ಸ್ವಾಮೀಜಿ ತಮ್ಮ ಆಧ್ಯಾತ್ಮಿಕ ಪಯಣದಲ್ಲಿ ತಮ್ಮ ಗುರು ಶಿವಬಾಬಾ ಹಾಗೂ ಗುರುಮಾರವರ ಕೊಡುಗೆಯನ್ನು ಮಹತ್ವದೊಂದಿಗೆ ಉಲ್ಲೇಖಿಸುತ್ತಾರೆ ಎಂದು ಚಂದ್ರಶೇಖರ್‌ ಹೇಳಿದರು.
ಪ್ರವಚನದ ವಿಶೇಷತೆ
ಈ ಪ್ರವಚನದಲ್ಲಿ ಗುರುಮಾ, ಹಿಮಾಲಯ ಧ್ಯಾನಯೋಗವು ದೈನಂದಿನ ಜೀವನದಲ್ಲಿ ಹೇಗೆ ಉಪಯುಕ್ತವಾಗುತ್ತದೆ, ತಂತ್ರಜ್ಞಾನ ಯುಗದಲ್ಲಿ ಉದ್ಭವಿಸುವ ಸಮಸ್ಯೆಗಳಿಗೆ ಧ್ಯಾನ ಯಾವ ರೀತಿಯಲ್ಲಿ ಪರಿಹಾರ ನೀಡುತ್ತದೆ ಎಂಬುದನ್ನು ವಿವರಿಸಲಿದ್ದಾರೆ.
ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆ ತರಬಲ್ಲ ಈ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಲಾಭ ಪಡೆಯುವಂತೆ ಆಯೋಜಕರು ಕೋರಿದ್ದಾರೆ.
ವಿವರಗಳು
-
📅 ದಿನಾಂಕ: 09-09-2025 (ಮಂಗಳವಾರ)
-
⏰ ಸಮಯ: ಸಂಜೆ 5.00 ಗಂಟೆ
-
📍 ಸ್ಥಳ: ಸಂಘನಿಕೇತನ ಸಭಾಂಗಣ, ಮಣ್ಣಗುಡ್ಡೆ, ಮಂಗಳೂರು
-
📞 ನೋಂದಣಿ: 9480821999
ಸುದ್ದಿಗೋಷ್ಠಿಯಲ್ಲಿ ಮುಕಂದ್‌ ಕಾರ್ತಿಕ್‌, ಮಮತಾ, ದಿನ ಶುಕ್ಲ, ಖುಷ್ಬೂ ಉಪಸ್ಥಿತರಿದ್ದರು.