ಬದಿಯಡ್ಕ: ಕಳೆದ ಬಾರಿ ಇಬ್ಬರು ಮಕ್ಕಳ ಜೊತೆ ನಾಪತ್ತೆಯಾಗಿ ಪತ್ತೆಯಾಗಿದ್ದ ಮಹಿಳೆ ಈ ಬಾರಿ ಒಂದು ಮಗುವಿನ ಜೊತೆ ನಿಗೂಢವಾಗಿ ನಾಪತ್ತೆಯಾದ ಘಟನೆ ಬದಿಯಡ್ಕ ಪೊಲೀಸ್ ಠಾಣಾ ವ್ಯಾಪ್ತಿಯ ಶೇಣಿ ಎಂಬಲ್ಲಿ ಬೆಳಕಿಗೆ ಬಂದಿದೆ.
ಶೇಣಿ ಬಲ್ತಿಕಲ್ಲು ನಿವಾಸಿ ಚಿತ್ರಕಲಾ(37) ನಾಪತ್ತೆಯಾದ ಮಹಿಳೆ. ಹೆಂಡತಿ ಚಿತ್ರಕಲಾ ಜುಲೈ 1 ರಂದು ತನ್ನ ಮೂರುವರೆ ವರ್ಷದ ಮಗುವಿನ ಜತೆ ನಾಪತ್ತೆಯಾಗಿ ಪತಿ ಗಂಗಾಧರ ಬದಿಯಡ್ಕ ಪೊಲೀಸರಿಗೆ ದೂರು ನೀಡಿದ್ದಾರೆ.
ಕಳೆದ ಜೂನ್ 1 ರಂದು ಈಕೆ ಇಬ್ಬರು ಮಕ್ಕಳ ಜತೆ ನಾಪತ್ತೆಯಾಗಿದ್ದಳು. ಇವಳನ್ನು ಬದಿಯಡ್ಕ ಪೊಲೀಸರು ಪತ್ತೆ ಹಚ್ಚಿ ನ್ಯಾಯಾಲಯದಲ್ಲಿ ಹಾಜರಿಪಡಿಸಿದ್ದರು. ಇದೀಗ ಮತ್ತೆ ನಾಪತ್ತೆಯಾಗಿದ್ದು, ಪ್ರಕರಣ ಕುತೂಹಲ ಮೂಡಿಸಿದೆ. ಬಡಿಯಡ್ಕ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಆರಂಭಿಸಿದ್ದಾರೆ.