ಕಾಪು: ಹಿಟ್ ಅಂಡ್ ರನ್ ಅಪಘಾತದಲ್ಲಿ ಯುವಕನೋರ್ವ ಸಾವನ್ನಪ್ಪಿದ ಘಟನೆ ಕಾಪುವಿನಲ್ಲಿ ಸೋಮವಾರ(ಸೆ.22) ನಡೆದಿದೆ.
ಸಂತೆಕಟ್ಟೆ-ಕಲ್ಯಾನ್‌ಪುರ ನಿವಾಸಿ ಅನುಷ್ ಭಂಡಾರಿ (21) ಮೃತಪಟ್ಟ ಯುವಕ.
ಮಂಗಳೂರಿನಲ್ಲಿ ಕೆಲಸ ಮಾಡುತ್ತಿರುವ ಅನುಷ್, ತನ್ನ ಸ್ಕೂಟರ್‌ನಲ್ಲಿ ಮನೆಗೆ ಹಿಂತಿರುಗುತ್ತಿದ್ದಾಗ ಈ ಘಟನೆ ಸಂಭವಿಸಿದೆ ಎಂದು ವರದಿಯಾಗಿದೆ. ಮೂಲಗಳ ಪ್ರಕಾರ, ಆರಂಭಿಕ ಡಿಕ್ಕಿಯ ನಂತರ, ಇತರ ವಾಹನಗಳು ದೇಹದ ಮೇಲೆ ಹರಿದಿದ್ದು, ದೇಹವು ಛಿದ್ರಗೊಂಡಿದೆ ಎನ್ನಲಾಗಿದೆ.
ಬೆಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದ ಅನುಷ್ ಆರು ತಿಂಗಳ ಹಿಂದೆಯಷ್ಟೇ ಉಡುಪಿಗೆ ಮರಳಿದ್ದರು. ಮೃತದೇಹವನ್ನು ಉಡುಪಿಯ ಅಜ್ಜರಕಾಡ್‌ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಗಿದ್ದು, ಮರಣೋತ್ತರ ಪರೀಕ್ಷೆ ನಡೆಸಲಾಗಿದೆ. ಕಾಪು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.