ನವದೆಹಲಿ: ಭಾರತದ ಮೇಲೆ ಅಮೆರಿಕ ಶೇ 25ರಷ್ಟು ಆಮದು ಸುಂಕ (US tariffs) ಹೇರಿರುವ ಬೆನ್ನಲ್ಲೇ ನಿಮ್ಮ ಎಫ್-35 ವಿಮಾನವನ್ನು ನಾವು ಖರೀದಿಸುವುದಿಲ್ಲ ಎಂದು ಕಡ್ಡಿ ಮುರಿದಂತೆ ಹೇಳುವ ಮೂಲಕ ಎದಿರೇಟು ನೀಡಿದೆ. ಹಲವು ಕಡೆಗಳಲ್ಲಿ ಎಫ್-35 ವಿಮಾನ ಪತನಗೊಂಡಿರುವ ಬೆನ್ನಲ್ಲೇ ಅಮೆರಿಕಾದ ಭಾರತ ಈ ರೀತಿ ಪ್ರತಿಕ್ರಿಯಿಸಿದೆ.
ಭಾರತ ಈ ವಿಮಾನವನ್ನು ನಿರಾಕರಿಸಿದ ಬೆನ್ನಲ್ಲೇ ವಿಶ್ವದ ಇತರ ದೇಶಗಳೂ ಅಮೆರಿಕಾದ ಎಫ್-35 ವಿಮಾನ ನಿರಾಕರಿಸುವ ಸಾಧ್ಯತೆ ಇರುವುದರಿಂದ ಅಮೆರಿಕಾಕ್ಕೆ ಇದು ದೊಡ್ಡ ಮಟ್ಟದ ನಷ್ಟ ಎಂದು ಅಂದಾಜಿಸಲಾಗಿದೆ.
ಅಮೆರಿಕಾ ಅಧ್ಯಕ್ಷ ಸುಂಕ ಭಯೋತ್ಪಾದನೆ ಸೃಷ್ಟಿಸಿದ ಬೆನ್ನಲ್ಲೇ ಭಾರತ ಯೋಚಿಸಿ ಹೆಜ್ಜೆ ಇಡುತ್ತಿದೆ. ಸದ್ಯಕ್ಕೆ ಭಾರತ ಇನ್ನೂ ಕೂಡ ಯಾವುದೇ ಪ್ರತಿಸುಂಕ ವಿಧಿಸುವ ಯೋಚನೆ ಮಾಡಿಲ್ಲ. ವ್ಯಾಪಾರ ಒಪ್ಪಂದ ಅಂತಿಮಗೊಳ್ಳುವವರೆಗೂ ಶೇ. 25ರ ತೆರಿಗೆಯನ್ನು ಭಾರತ ಸಹಿಸಿಕೊಳ್ಳಬೇಕಾಗಬಹುದು. ಅದಕ್ಕಾಗಿ ಮೊದಲ ಹೆಜ್ಜೆ ಎಂಬಂತೆ ಭಾರತ ಅಮೆರಿಕಾದ ಮಿಲಿಟರಿ ಬೇಡಿಕೆಗಳನ್ನು ನಿರಾಕರಿಸುವ ಮೂಲಕ ದೊಡ್ಡ ಮಟ್ಟದ ಏಟಿಗೆ ಮುಂದಾಗಿದೆ. ಇತ್ತೀಚೆಗೆ ಭಾರತ ಶಸ್ತ್ರಾಸ್ತ್ರ ಸ್ವಾವಲಂಬನೆ ಸಾಧಿಸುವುದಲ್ಲದೆ, ತಾನೇ ಇತರ ದೇಶಗಳಿಗೆ ರಫ್ತು ಮಾಡುತ್ತಿದೆ. ಹಾಗಾಗಿ ಎಫ್-35 ನಿರಾಕರಣೆಗೆ ಇದೂ ಒಂದು ಕಾರಣ ಎಂದು ಅಂದಾಜಿಸಲಾಗಿದೆ.
ನಿಮ್ಮ ವಿಮಾನ ಬೇಡ:
ಪ್ರಧಾನಿ ನರೇಂದ್ರ ಮೋದಿ ಅಮೆರಿಕಕ್ಕೆ ಭೇಟಿ ನೀಡಿದ ವೇಳೆ ಡೊನಾಲ್ಡ್ ಟ್ರಂಪ್ ಅವರು ಎಫ್-35 ಫೈಟರ್ ಜೆಟ್ ಅನ್ನು ಭಾರತಕ್ಕೆ ಆಫರ್ ಮಾಡಿದ್ದರು. ಇದೀಗ ಶಕ್ತಿಶಾಲಿ ಫೈಟರ್ ಜೆಟ್ ಎನಿಸಿದ ಎಫ್-35 ಅನ್ನು ಖರೀದಿಸುವ ಆಸಕ್ತಿ ಇಲ್ಲ ಎಂದು ಅಮೆರಿಕಕ್ಕೆ ಭಾರತ ತಿಳಿಸಿದೆ. ಅಲ್ಲಲ್ಲಿ ಪತನಗೊಳ್ಳುತ್ತಿರುವ ಎಫ್-35 ನಮಗೆ ಬೇಕಿಲ್ಲ ಎಂದು ಭಾರತ ಪರೋಕ್ಷವಾಗಿ ಹೇಳಿಕೊಂಡಿದೆ.
ವಿಶೇಷವೆಂದರೆ ಭಾರತವು ಜಂಟಿಯಾಗಿ ಶಸ್ತ್ರಾಸ್ತ್ರಗಳನ್ನು ತಯಾರಿಸಲು ಆದ್ಯತೆ ನೀಡುತ್ತಿದೆ. ಎಫ್-35 ವಿಮಾನವನ್ನು ಅಮೆರಿಕದ ಲಾಕ್ಹೀಡ್ ಮಾರ್ಟಿನ್ ಸಂಸ್ಥೆ ತಯಾರಿಸುತ್ತದೆ. ಭಾರತೀಯ ಕಂಪನಿಯೊಂದಿಗೆ ಜಂಟಿಯಾಗಿ ಈ ಯುದ್ಧವಿಮಾನ ತಯಾರಿಸಲು ಅಮೆರಿಕ ಸಿದ್ಧ ಇಲ್ಲ. ಭಾರತ ತನ್ನ ಮಿಲಿಟರಿ ಉಪಕರಣಗಳ ವಿಚಾರದಲ್ಲಿ ಸ್ವಾವಲಂಬನೆ ಸಾಧಿಸುವ ಗುರಿ ಹೊಂದಿದೆ. ಈ ಕಾರಣಕ್ಕೆ ಎಫ್-35 ಯುದ್ಧವಿಮಾನ ಖರೀದಿ ಪ್ರಸ್ತಾಪದಿಂದ ಭಾರತ ಹಿಂದಕ್ಕೆ ಸರಿದಿರಬಹುದು ಎನ್ನಲಾಗುತ್ತಿದೆ.
ಎಫ್-35 ಐದನೇ ತಲೆಮಾರಿನ ಯುದ್ಧವಿಮಾನವಾಗಿದ್ದು, ವಿಶ್ವದಲ್ಲೇ ಅತ್ಯಂತ ಶಕ್ತಿಶಾಲಿ ಸ್ಟೀಲ್ ಏರ್ಕ್ರಾಫ್ಟ್ ಎಂದೆನಿಸಿದರೂ ಇತ್ತೀಚೆ ಅದರ ಸಾಧನೆ ತೀರಾ ಕಳಪೆಯಾಗಿದೆ. ಚೀನಾ ಮತ್ತು ರಷ್ಯಾ ಬಳಿಯೂ ಐದನೇ ತಲೆಮಾರಿನ ಫೈಟರ್ ಜೆಟ್ಗಳಿವೆ. . ಫ್ರಾನ್ಸ್ನ ರಫೇಲ್ ಜೆಟ್ ಐದನೇ ತಲೆಮಾರಿನ ಫೈಟರ್ ಜೆಟ್ ತಯಾರಿಸಲು ಭಾರತ ಮುಂದಾಗಿದೆ. ಅಲ್ಲದೆ ವಿಶೇಷವೆಂದರೆ ಭಾರತ ತಾನೇ ಸ್ವಂತವಾಗಿ ಈ ಫೈಟರ್ ಜೆಟ್ ತಯಾರಿಸುವ ಪ್ರಯತ್ನದಲ್ಲಿದೆ. ಅದಕ್ಕೆ ಎಎಂಸಿಎ ಪ್ರಾಜೆಕ್ಟ್ ಎಂದು ಹೆಸರು ನೀಡಲಾಗಿದೆ. ಇವುಗಳ ಸಾಮರ್ಥ್ಯ ಈ ವಿಮಾನಗಳಿಗಿಂತಲೂ ಹೆಚ್ಚಿರುವುದರಿಂದ ನಮಗೆ ನಿಮ್ಮ ಎಫ್-35 ಬೇಡ ಎಂದು ಭಾರತ ಅಮೆರಿಕಾಕ್ಕೆ ಪರೋಕ್ಷವಾಗಿ ಹೇಳಿಕೊಂಡಿದೆ.
