ನವದೆಹಲಿ: ಭಾರತದ ಹೋರಾಟ ಯಾವತ್ತಿದ್ದರೂ ಭಯೋತ್ಪಾದಕರ ವಿರುದ್ಧ ಮಾತ್ರ, ಆದರೆ ಪಾಕಿಸ್ತಾನ ಇದರ ಮಧ್ಯಪ್ರವೇಶಿಸಿರುವುದು ವಿಷಾದಕರ ಎಂದು ಏರ್ ಮಾರ್ಷಲ್ ಎ.ಕೆ. ಭಾರ್ತಿ ಪತ್ರಿಕಾಗೋಷ್ಠಿಯಲ್ಲಿ ನುಡಿದಿದ್ದು, ಭಾರತ ಮತ್ತು ಪಾಕಿಸ್ತಾನ ಯುದ್ಧವನ್ನು ಬೆಕ್ಕು ಮತ್ತು ಇಲಿಯ ಆಟ ಎಂದಿದ್ದಾರೆ.
ಮೇ 7 ರಂದು ಭಾರತವು ಪಾಕಿಸ್ತಾನ ಮತ್ತು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿನ ಒಂಬತ್ತು ಭಯೋತ್ಪಾದಕ ಶಿಬಿರಗಳನ್ನು ಗುರಿಯಾಗಿಸಿಕೊಂಡು ಆಪರೇಷನ್ ಸಿಂಧೂರ್ ಅನ್ನು ಪ್ರಾರಂಭಿಸಿತು. ಆದಾಗ್ಯೂ, ಪ್ರತೀಕಾರವಾಗಿ, ಪಾಕಿಸ್ತಾನವು ಜಮ್ಮು ಮತ್ತು ಕಾಶ್ಮೀರದಿಂದ ಗುಜರಾತ್‌ವರೆಗಿನ ಗಡಿ ಪಟ್ಟಣಗಳಾದ್ಯಂತ ನಾಗರಿಕರು ಮತ್ತು ಧಾರ್ಮಿಕ ಸ್ಥಳಗಳನ್ನು ಗುರಿಯಾಗಿಸಿಕೊಂಡು ಡ್ರೋನ್‌ಗಳು ಮತ್ತು ಕ್ಷಿಪಣಿಗಳನ್ನು ಬಳಸಿ ವೈಮಾನಿಕ ದಾಳಿಗಳನ್ನು ನಡೆಸಿತು. ಆದರೆ ಪಾಕಿಸ್ತಾನಿ ಸೇನೆಯು ಮಧ್ಯಪ್ರವೇಶಿಸಿರುವುದು ವಿಷಾದಕರ ಎಂದು ಅವರು ಹೇಳಿದರು.
ಸ್ಥಳೀಯ ವಾಯು ರಕ್ಷಣಾ ವ್ಯವಸ್ಥೆ ಆಕಾಶ್ ಕಾರ್ಯಕ್ಷಮತೆ ಅದ್ಭುತವಾಗಿದೆ. ಕಳೆದ ದಶಕ ಭಾರತ ಸರ್ಕಾರದ ಬಜೆಟ್ ಮತ್ತು ರಕ್ಷಣಾ ನೀತಿಯಿಂದಾಗಿ ಇದು ಸಾಧ್ಯವಾಗಿದೆ. ಪಾಕಿಸ್ತಾನವು ಬಳಸುತ್ತಿದ್ದ ಹಲವಾರು ಡ್ರೋನ್‌ಗಳು ಮತ್ತು ಮಾನವರಹಿತ ಯುದ್ಧ ವಿಮಾನಗಳನ್ನು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ಸಾಫ್ಟ್ ವೇರ್‌, ಮತ್ತು ಹಾರ್ಡ್-ಕಿಲ್ ಕೌಂಟರ್-ಯುಎಎಸ್ ವ್ಯವಸ್ಥೆಗಳು ಮತ್ತು ಉತ್ತಮ ತರಬೇತಿ ಪಡೆದ ಭಾರತೀಯ ವಾಯು ರಕ್ಷಣಾ ಸಿಬ್ಬಂದಿ ವಿಫಲಗೊಳಿಸಿದ್ದಾರೆ ಎಂದು ಅವರು ಹೇಳಿದರು.
“ನಮ್ಮ ಎಲ್ಲಾ ಮಿಲಿಟರಿ ನೆಲೆಗಳು, ನಮ್ಮ ಎಲ್ಲಾ ವ್ಯವಸ್ಥೆಗಳು ಸಂಪೂರ್ಣವಾಗಿ ಕಾರ್ಯನಿರ್ವಹಿಸುತ್ತಲೇ ಇರುತ್ತವೆ ಮತ್ತು ಅಗತ್ಯವಿದ್ದಲ್ಲಿ ಯಾವುದೇ ಭವಿಷ್ಯದ ಕಾರ್ಯಾಚರಣೆಗಳನ್ನು ಕೈಗೊಳ್ಳಲು ಸಿದ್ಧವಾಗಿವೆ” ಎಂದು ಏರ್ ಮಾರ್ಷಲ್ ಎ.ಕೆ. ಭಾರ್ತಿ ಹೇಳಿದರು.
ಭಾರತ-ಪಾಕಿಸ್ತಾನ ಗಡಿ ಉದ್ವಿಗ್ನತೆ ಎನ್ನುವುದು ಒಂದು ರೀತಿ ವಿಭಿನ್ನ ರೀತಿಯ ಯುದ್ಧವಾಗಿದ್ದು, ಅದು ಸಂಭವಿಸುವುದು ಖಚಿತ ಎಂದು ಎಸ್‌ಕೆ ಬಾರ್ತಿ ಹೇಳಿದರು. “ಸ್ವತಃ ದೇವರೇ ಅವರಿಗೆ ಹೇಳಲಿ, ಒಂದು ವೇಳೆ ನಾವು ಇನ್ನೊಂದು ಯುದ್ಧ ಮಾಡಿದರೆ, ಅದು ಇದಕ್ಕಿಂತ ಸಂಪೂರ್ಣವಾಗಿ ಭಿನ್ನವಾಗಿರುತ್ತದೆ. ಇದು ಬೆಕ್ಕು-ಇಲಿಯ ಆಟದಂತಿರುತ್ತದೆ. ಮತ್ತು ಎದುರಾಳಿಯನ್ನು ಸೋಲಿಸಲು ನಾವು ಮುಂದೆ ಇರಬೇಕು” ಎಂದು ಅವರು ಹೇಳಿದರು.
ಭಾರತದ ಮೇಲಿನ ದಾಳಿಯ ಸಮಯದಲ್ಲಿ ಪಾಕಿಸ್ತಾನ ಬಳಸಿದ್ದ PL-15 ಏರ್-ಟು-ಏರ್ ಕ್ಷಿಪಣಿಯ ಅವಶೇಷಗಳನ್ನು ಉನ್ನತ ಅಧಿಕಾರಿಗಳು ತೋರಿಸಿದರು.