ಮಂಗಳೂರು: ಮಂಗಳೂರಿನ ಫ್ರಾನ್ಸಿಸ್ ಡೋರಿಸ್ ಸ್ಕೇಟ್ ಸಿಟಿಯಲ್ಲಿ ಇತ್ತೀಚೆಗೆ ನಡೆದ 1ನೇ ಕರ್ನಾಟಕ ರಾಜ್ಯ ರ್‍ಯಾಂಕಿಂಗ್ ಸ್ಪೀಡ್ ಸ್ಕೇಟಿಂಗ್ ಚಾಂಪಿಯನ್ ಶಿಪ್‌ನಲ್ಲಿ ಮಂಗಳೂರಿನ ಹೈಫ್ಲೈಯರ್ಸ್ ಸ್ಕೇಟಿಂಗ್ ಕ್ಲಬ್ 29 ಪದಕಗಳನ್ನು ಗೆದ್ದುಕೊಂಡಿದೆ.
ಮಂಗಳೂರಿನ ಹೈಫ್ಲೈಯರ್ಸ್ ಸ್ಕೇಟಿಂಗ್ ಕ್ಲಬ್ ಸ್ಕೇಟರ್ಸ್ ಗಳು ಕ್ರಮವಾಗಿ 19 ಚಿನ್ನ, 5 ಬೆಳ್ಳಿ ಮತ್ತು 5 ಕಂಚಿನ ಪದಕಗಳನ್ನು ಗೆದ್ದಿದ್ದಾರೆ.
ಸ್ಕೇಟರ್ ಗಳಾದ ಮುಹಮ್ಮದ್ ಅಯಾನ್ 3 ಚಿನ್ನ , ಹಿಮಾನಿ ಕೆ.ವಿ 3 ಚಿನ್ನ ,ತನ್ಮಯ್ ಎಂ ಕೊಟ್ಟಾರಿ 3 ಚಿನ್ನ , ಡ್ಯಾಶಿಯೆಲ್ ಅಮಂಡಾ ಕಾನ್ಸೆಸ್ಸಾವೊ 3 ಚಿನ್ನ , ಶಾಲೋಮ್ ಕ್ರಿಶ್ಚಿಯನ್ 2 ಚಿನ್ನ ಮತ್ತು 1 ಬೆಳ್ಳಿ , ಪಿ ಜೆನಿಶಾ 2 ಚಿನ್ನ ಮತ್ತು 1 ಬೆಳ್ಳಿ , ಡೇನಿಯಲ್ ಸಾಲ್ವಡಾರ್ ಕಾನ್ಸೆಸ್ಸಾವೊ 2 ಚಿನ್ನ ಮತ್ತು 1 ಬೆಳ್ಳಿ ಪದಕ ಗೆದ್ದಿದ್ದಾರೆ, ಕೇಟ್ ಅರ್ವಿ ವಾಜ್ ಗೆ 1 ಚಿನ್ನ, ಶೀಹಾನ್ ಎ ಆರ್ 1 ಬೆಳ್ಳಿ ಮತ್ತು 2 ಕಂಚಿನ ಪದಕ ಗೆದ್ದರು. ಡೇವಿನ್ ಮಹೇಶ್ ಗೆ 1 ಬೆಳ್ಳಿ ಪದಕ, ಲಕ್ಷ್ ಡಿ.ಎಸ್.ಗೌಡ 3 ಕಂಚಿನ ಪದಕ ಗೆದ್ದಿದ್ದಾರೆ.
ಪ್ರತಿಭಾನ್ವಿತ ಸ್ಕೇಟರ್ ಗಳಿಗೆ ಹೈ-ಫ್ಲೈಯರ್ಸ್ ಸ್ಕೇಟಿಂಗ್ ಕ್ಲಬ್ ನಲ್ಲಿ ಮೋಹನ್ ದಾಸ್ ಕೆ, ಜಯರಾಜ್, ರಮಾನಂದ ಕೆ.ವಿ ಮತ್ತು ಓಂಕಾರ್ ತರಬೇತಿ ನೀಡುತ್ತಿದ್ದಾರೆ.