International Nurses Day: ಪ್ರತಿ ವರ್ಷ, ಅಂತಾರಾಷ್ಟ್ರೀಯ ದಾದಿಯರ ದಿನವು ಆರೋಗ್ಯ ಕ್ಷೇತ್ರದ ಮೂಲಸ್ತಂಭವಾಗಿರುವ ದಾದಿಯರ ಅವಿಸ್ಮರಣೀಯ ಸೇವೆಗೆ ಸಲ್ಲಿಸುವ ನಮನದ ದಿನವಾಗಿದೆ. ಇದು ಕೇವಲ ಒಂದು ವೃತ್ತಿಯನ್ನು ಆಚರಿಸುವ ಸಮಯವಲ್ಲ, ಶಾಂತ ಮತ್ತು ಶಾಶ್ವತ ಶಕ್ತಿಯನ್ನು ನಮಿಸುವ ಕ್ಷಣವಾಗಿದೆ.
ಆಸ್ಪತ್ರೆಗಳು, ನರ್ಸಿಂಗ್ ಹೋಮ್ಗಳು, ಕ್ಲಿನಿಕ್ಗಳು, ಮನೆಗಳು ಮತ್ತು ಸಮುದಾಯಗಳಲ್ಲಿ ದಾದಿಯರು ಕೌಶಲ್ಯ, ಕರುಣೆ, ಸಹನೆ ಮತ್ತು ಶಾಂತತೆಯನ್ನು ಒಟ್ಟುಗೂಡಿಸಿ ಪ್ರತಿದಿನ ಅನೇಕ ಜೀವಗಳಿಗೆ ಭರವಸೆಯ ಹೆಗಲಾಗಿ ನಿಲ್ಲುತ್ತಾರೆ. ಆತಂಕ ಮತ್ತು ಚೇತರಿಕೆಯ ಕ್ಷಣಗಳಲ್ಲಿ, ಅನಿಶ್ಚಿತತೆ ಮತ್ತು ಭರವಸೆಯ ಸಮಯಗಳಲ್ಲಿ ಅವರು ಯಾವಾಗಲೂ ಜೊತೆಯಾಗುತ್ತಾರೆ.
ಜೀವನದ ಅತ್ಯಂತ ದುರ್ಬಲ ಸಂದರ್ಭಗಳಲ್ಲಿ ರೋಗಿಗಳಿಗೆ ನೆರವಾಗುವ ಜೊತೆಗೆ, ಶಕ್ತಿ ಮತ್ತು ಸಾಂತ್ವನವನ್ನು ಹುಡುಕುವ ಕುಟುಂಬಗಳಿಗೆ ಭರವಸೆ ನೀಡುತ್ತಾರೆ. ರೋಗಿಯ ಹಾಸಿಗೆಯ ಬಳಿ ಎಚ್ಚರವಾಗಿ ಕೂರುವುದು, ಔಷಧೋಪಚಾರದ ಸೂಕ್ಷ್ಮ ಲೆಕ್ಕಾಚಾರ, ರೋಗಿಯ ಮಾತನ್ನು ತಾಳ್ಮೆಯಿಂದ ಕೇಳುವುದು – ಇವೆಲ್ಲವೂ ದಾದಿಯರ ದಿನನಿತ್ಯದ ಕರ್ತವ್ಯದ ಭಾಗವಾಗಿದೆ.
ಸಾಂಕ್ರಾಮಿಕ ಸಮಯದಲ್ಲಿ, ನೈಸರ್ಗಿಕ ವಿಕೋಪಗಳಲ್ಲಿ, ಮತ್ತು ಪ್ರತಿದಿನದ ತುರ್ತು ಪರಿಸ್ಥಿತಿಗಳಲ್ಲಿ ದಾದಿಯರು ಸ್ವಯಂ ತ್ಯಾಗ ಮತ್ತು ಸಮರ್ಪಣೆಯನ್ನು ಮೆರೆದಿದ್ದಾರೆ. ಅವರ ಸೇವೆಗೆ ಬೇರಾರೂ ಸಾಟಿಯಿಲ್ಲ. ಇಂತಹ ಸಂದರ್ಭಗಳಲ್ಲಿ ಅವರ ಶ್ರಮ, ಮಾನಸಿಕ ಹಾಗೂ ದೈಹಿಕ ಆಯಾಸವನ್ನು ಅರ್ಥೈಸಿಕೊಳ್ಳುವುದು ಮತ್ತು ಸೂಕ್ತ ಗೌರವ ಹಾಗೂ ಬೆಂಬಲವನ್ನು ನೀಡುವುದು ಸಮಾಜದ ಪ್ರತಿಯೊಬ್ಬರ ಜವಾಬ್ದಾರಿಯಾಗಿದೆ.
ಈ ಅಂತಾರಾಷ್ಟ್ರೀಯ ದಾದಿಯರ ದಿನದಂದು, ಅವರ ಸೇವೆಗೆ ನಮ್ಮ ಕೃತಜ್ಞತೆಯನ್ನು ಸೂಚಿಸೋಣ. ಬೆಂಬಲಕ್ಕಾಗಿ ಧ್ವನಿಯೆತ್ತೋಣ. ಸಾಮಾಜಿಕ ಮನ್ನಣೆ ದೊರಕಿಸಿಕೊಡಲು ಮುಂದಾಳತ್ವ ವಹಿಸಿಕೊಳ್ಳೋಣ.