ಮಂಗಳೂರು: ಅಂತರರಾಷ್ಟ್ರೀಯ ಮಟ್ಟದ ಶಿಕ್ಷಣ ಪಡೆಯಲು ಬಯಸುವ ಕರಾವಳಿಯ ವಿದ್ಯಾರ್ಥಿಗಳಿಗೆ ಸಮಗ್ರ ಮಾರ್ಗದರ್ಶನ ನೀಡುವ ಉದ್ದೇಶದಿಂದ ʻಗ್ಲೋಬಲ್ ಡಿಗ್ರೀಸ್’ ಎಂಬ ನೂತನ ವಿದೇಶಿ ವ್ಯಾಸಂಗ ಸಲಹಾ ಸಂಸ್ಥೆಯು ಮಂಗಳೂರಿನಲ್ಲಿ ಉದ್ಘಾಟನೆಗೊಳ್ಳುತ್ತಿದೆ. ಈ ಸಂಸ್ಥೆಯ ಅಧಿಕೃತ ಚಾಲನೆಯು ನಾಳೆ(ಮೇ 5) ಸಂಜೆ 4:00 ಗಂಟೆಗೆ ನಡೆಯಲಿದೆ ಎಂದು ಸಂಸ್ಥೆಯ ಸಹ-ಸಂಸ್ಥಾಪಕ ಶಿಜೋಮನ್ ಯೇಸುದಾಸ್ ತಿಳಿಸಿದರು.
ಮಂಗಳೂರಿನ ಪ್ರೆಸ್ಕ್ಲಬ್ನಲ್ಲಿ ಅವರು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಈ ಸಂಸ್ಥೆಯು ಕೇವಲ ಸಾಂಪ್ರದಾಯಿಕ ಕನ್ಸಲ್ಟೆನ್ಸಿಯಾಗಿ ಕಾರ್ಯನಿರ್ವಹಿಸದೆ, ವಿದ್ಯಾರ್ಥಿ ಕೇಂದ್ರಿತವಾದ ಒಂದು ಸಮಗ್ರ ವ್ಯವಸ್ಥೆಯನ್ನು (Ecosystem) ಪರಿಚಯಿಸುತ್ತಿದೆ. ಭಾರತೀಯ ವಿದ್ಯಾರ್ಥಿಗಳಿಗೆ ಜಾಗತಿಕ ಶಿಕ್ಷಣವನ್ನು ಯಾವುದೇ ಒತ್ತಡವಿಲ್ಲದೆ, ವ್ಯವಸ್ಥಿತವಾಗಿ ಲಭ್ಯವಾಗುವಂತೆ ಮಾಡುವುದು ಸಂಸ್ಥೆಯ ಮುಖ್ಯ ದೃಷ್ಟಿಕೋನವಾಗಿದೆ. ವಿದ್ಯಾರ್ಥಿಗಳು ತಮ್ಮ ಶೈಕ್ಷಣಿಕ ಗುರಿಗಳನ್ನು ತಲುಪಲು ಅಗತ್ಯವಾದ ಸ್ಪಷ್ಟ ಮತ್ತು ಧೈರ್ಯದಿಂದ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಇದು ನೆರವಾಗಲಿದೆ ಎಂದರು.
ವಿದೇಶಿ ವ್ಯಾಸಂಗದ ಹಾದಿಯಲ್ಲಿ ಎದುರಾಗುವ ಸವಾಲುಗಳಾದ ಸರಿಯಾದ ಕೋರ್ಸ್ ಆಯ್ಕೆ, ವಿಶ್ವವಿದ್ಯಾಲಯಗಳ ಶಾರ್ಟ್ಲಿಸ್ಟಿಂಗ್ ಮತ್ತು ವೀಸಾ ಪ್ರಕ್ರಿಯೆಗಳಿಗೆ ಸಂಸ್ಥೆಯು ಪರಿಣಿತರಿಂದ ಮಾರ್ಗದರ್ಶನ ನೀಡಲಿದೆ. ಉಚಿತ IELTS ತರಬೇತಿ, ಶಿಷ್ಯವೇತನ (Scholarship) ಪಡೆಯಲು ಸಹಕಾರ, ಶೈಕ್ಷಣಿಕ ಸಾಲದ ನೆರವು ಹಾಗೂ ವಿದೇಶಕ್ಕೆ ಹಾರುವ ಮುನ್ನ ಮತ್ತು ಹಾರಿದ ನಂತರದ ಸೇವೆಗಳನ್ನು (Pre-departure & Post-arrival services) ಸಂಸ್ಥೆಯು ಒದಗಿಸಲಿದೆ. ವಿಶೇಷವಾಗಿ, AI ಆಧಾರಿತ ಮಾಕ್ ಇಂಟರ್ವ್ಯೂ ತರಬೇತಿಯ ಮೂಲಕ ವಿದ್ಯಾರ್ಥಿಗಳ ಯಶಸ್ಸಿನ ಪ್ರಮಾಣವನ್ನು ಹೆಚ್ಚಿಸಲು ಸಂಸ್ಥೆ ಮುಂದಾಗಿದೆ ಎಂದು ಶಿಜೋಮನ್ ಯೇಸುದಾಸ್ ವಿವರಿಸಿದರು.
ಬರೀ ಅಡ್ಮಿಷನ್ಗಷ್ಟೇ ಸೀಮಿತವಾಗದೆ, ವಿದ್ಯಾರ್ಥಿ ಮತ್ತು ಫ್ಯಾಕಲ್ಟಿ ಎಕ್ಸ್ಚೇಂಜ್ ಪ್ರೋಗ್ರಾಂಗಳು ಹಾಗೂ ಅಂತರರಾಷ್ಟ್ರೀಯ ಇಂಟರ್ನ್ಶಿಪ್ಗಳ ಮೂಲಕ ವಿದ್ಯಾರ್ಥಿಗಳಿಗೆ ಜಾಗತಿಕ ವೃತ್ತಿಜೀವನಕ್ಕೆ ಬೇಕಾದ ಅನುಭವ ನೀಡುವ ನಿಟ್ಟಿನಲ್ಲಿಯೂ ಸಂಸ್ಥೆ ಕೆಲಸ ಮಾಡಲಿದೆ. ಸಂಸ್ಥೆಯ ಕಛೇರಿಯು ಮಂಗಳೂರಿನ ಎಂ.ಜಿ. ರಸ್ತೆಯ ಮಾನಸ ಟವರ್ಸ್ನಲ್ಲಿದ್ದು, ಮಣಿಪಾಲದಲ್ಲೂ ತನ್ನ ಕಾರ್ಯಾಚರಣೆಯನ್ನು ಹೊಂದಿದೆ. ಎಂದವರು ವಿವರಿಸಿದರು.
ಈ ಪತ್ರಿಕಾಗೋಷ್ಠಿಯಲ್ಲಿ ಸಂಸ್ಥೆಯ ಸಹ-ಸಂಸ್ಥಾಪಕಿ ದೀಪಾ ಪ್ರಭು ಮತ್ತು ದಿಯಾ ಅಜಿತ್ ಅವರು ಉಪಸ್ಥಿತರಿದ್ದರು.