ಮಂಗಳೂರು: ಮಂಗಳೂರು ಚಿಲಿಂಬಿಯಲ್ಲಿರುವ ಮೋರ್ ಸೂಪರ್ ಮಾರ್ಕೆಟ್ ನಿಂದ ಗ್ರಾಹಕರಿಗೆ ಸೇವಾ ನ್ಯೂನ್ಯತೆ ಹಿನ್ನೆಲೆ ದಕ್ಷಿಣ ಕನ್ನಡ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ರೂ. 39,105 ದಂಡ ವಿಧಿಸಿದೆ.
ದಿನಾಂಕ 28.08.2022 ರಂದು ಸಾಮಾಜಿಕ ಹೋರಾಟಗಾರ ಎಚ್, ಶಶಿಧರ್ ಶೆಟ್ಟಿ ಅವರು ದೈನಂದಿನ ಅಗತ್ಯ ವಸ್ತುಗಳನ್ನು ಖರೀದಿಸಲು ಮಂಗಳೂರಿನ ಚಿಲಿಂಬಿ ಬಳಿಯ ಸೂಪರ್ ಮಾರುಕಟ್ಟೆಗೆ ಹೋಗಿದ್ದರು. ಅಗತ್ಯ ವಸ್ತುಗಳನ್ನು ಖರೀದಿಸಿದ ನಂತರ, ರೂ .1890.89 ವನ್ನು ತಮ್ಮ ಕರ್ನಾಟಕ ಎಸ್‌ಬಿ ಖಾತೆಯಿಂದ ಹಣವನ್ನು ಆನ್‌ಲೈನ್‌ ಮುಖಾಂತರ ವರ್ಗಾಯಿಸಿದ್ದರು, ಆದರೆ ಬಿಲ್ಲಿಂಗ್ ಕೌಂಟರ್‌ನಲ್ಲಿರುವ ಸಿಬ್ಬಂದಿ ಈ ಮೊತ್ತ ನಿಮ್ಮ ಖಾತೆಯಿದ ನಮಗೆ ಬಂದಿರುವುದಿಲ್ಲ, ಇನ್ನೊಮ್ಮೆ ರೂ .1890.89 ಪಾವತಿಸಲು ಒತ್ತಾಯಿಸಿದ್ದಾರೆ, ಆಗ ಸಮಸ್ಯೆಯನ್ನು ಪರಿಹರಿಸಲು ದೂರುದಾರರು ರೂ .20/- ಮೌಲ್ಯದ ಮತ್ತೊಂದು ವಸ್ತುವನ್ನು ಖರೀದಿಸಿ ರೂ. 1890.89 ಕ್ಕೆ ಸೇರಿಸಿ ಪುನಃ ತಮ್ಮ ಖಾತೆಯಿದ ರೂ .1,910.89 ಅನ್ನು ವರ್ಗಾಯಿಸಿದ್ದಾರೆ.
ಆದರೂ ಅಲ್ಲಿನ ಸಿಬ್ಬಂದಿ ತಮ್ಮ ಖಾತೆಗೆ ಇನ್ನೂ ರೂ .1,910.89 ಬಂದಿಲ್ಲ ಎಂದು ಹೇಳಿರುವುದರಿಂದ ರೂಪಾಯಿ 1911 . ನ್ನು ನಗದು ರೂಪದಲ್ಲಿ ಕೊಟ್ಟು ಬಂದಿದ್ದರು.
ಆದರೆ ಆನಂತರ ತಮ್ಮ ಬ್ಯಾಂಕ್ ಖಾತೆಯಿಂದ ಎರಡು ಬಾರಿಯೂ ಮೋರ್ ಸೂಪರ್ ಮಾರ್ಕೆಟ್ ಖಾತೆಗೆ ಹಣ ವರ್ಗಾವಣೆಯಾಗಿತ್ತು. ಈ ಬಗ್ಗೆ ಶಶಿಧರ್ ಅವರು ಬ್ಯಾಂಕ್ ಪಾಸ್ ಬುಕ್ ಪ್ರತಿ ತೋರಿಸಿದರೂ ಮೋರ್ ಸುಪರ್ ಮಾರ್ಕೆಟ್ ನವರು ಹಣ ಹಿಂತಿರಿಗಿಸಿರಲಿಲ್ಲ.
ಇದರಿಂದ ನೊಂದ ದೂರುದಾರ ಶಶಿಧರ್ ಶೆಟ್ಟಿ ಮೋರ್ ಸುಪರ್ ಮಾರ್ಕೆಟ್ ವಿರುದ್ದ ವಿರುದ್ಧ ಗ್ರಾಹಕ ಸಂರಕ್ಷಣಾ ಕಾಯ್ದೆ 2019 ರ ಯು/ಎಸ್ 35 ಅನ್ನು ದಾಖಲಿಸಿದ್ದರು. ಸಾಕ್ಷಿ ಆಧಾರಗಳನ್ನು ಪರಿಶೀಲನೆ ಮಾಡಿದ ದಕ್ಷಿಣ ಕನ್ನಡ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ 71&72 of consumer protection act- 2019 ಕಾಯಿದೆಯ ಪ್ರಕಾರ ಸೂಪರ್ ಮಾರ್ಕೆಟ್ ನ ಆಡಳಿತ ಮಂಡಳಿಯ ಸೇವೆಯ ಕೊರತೆ, ದೂರುದಾರರ ಮಾನಸಿಕ ಸಂಕಟ ಮತ್ತು ಅನಾನುಕೂಲತೆಗಾಗಿ ಒಟ್ಟು ಮೊತ್ತ 39,105 ದೂರುದಾರಿಗೆ ನೀಡುವಂತೆ ಮೋರ್ ಆಡಳಿತ ಮಂಡಳಿಗೆ ದಂಡ ವಿಧಿಸಿ ಆದೇಶ ನೀಡಿದೆ,
ದೂರುದಾರ ಎಚ್. ಶಶಿಧರ್ ಶೆಟ್ಟಿ ಯವರ ಪರವಾಗಿ ವಕೀಲರಾದ ಬಿ.ಪಿ. ಭಟ್ ವಾದ ಮಂಡಿಸಿದರು.