ಮುಂಬೈ: ಬಾಲಿವುಡ್ ನಟಿ ಮಲೈಕಾ ಅರೋರಾಗೆ 2012ರಲ್ಲಿ ನಡೆದ ಪ್ರಕರಣಕ್ಕೆ ಸಂಬಂಧಿಸಿ ಮುಂಬೈ ಕೋರ್ಟ್ ವಾರೆಂಟ್ ಹೊರಡಿಸಿದೆ. ಮುಂಬೈನ ಖಾಸಗಿ ಹೊಟೆಲ್‌ನಲ್ಲಿ ನಡೆದ ಔತಣಕೂಟದಲ್ಲಿ ಉದ್ಯಮಿ ಇಕ್ಬಾಲ್ ಮಿರ್ ಶರ್ಮಾ ಮೇಲೆ ಹಲ್ಲೆ ನಡೆದ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿ ವಾರಂಟ್‌ ಹೊರಡಿಸಲಾಗಿದೆ.
ಏನಿದು ಪ್ರಕರಣ?
ಸೈಫ್ ಆಲಿ ಖಾನ್, ಕರೀನಾ ಕಪೂರ್, ಕರೀಷ್ಮಾ ಕಪೂರ್, ಮಲೈಕಾ ಅರೋರಾ, ಅಮೃತಾ ಅರೋರಾ ಸೇರಿದಂತೆ ಬಾಲಿವುಡ್ ಸೆಲೆಬ್ರೆಟಿಗಳು ಮುಂಬೈ ಖಾಸಗಿ ಹೋಟೆಲ್‌ನ ಔತಣಕೂಟದಲ್ಲಿ ಪಾಲ್ಗೊಂಡಿದ್ದರು. ಈ ಔತಣದ ವೇಳೆ ವಾಗ್ವಾದ ನಡೆದಿತ್ತು. ಪರಿಣಾಮ ಸೈಫ್ ಆಲಿ ಖಾನ್ ಉದ್ಯಮಿ ಮೇಲೆ ಹಲ್ಲೆ ಮಾಡಿದ್ದರು ಎಂದು ಉದ್ಯಮಿ ನೀಡಿದ್ದ ದೂರಿನಲ್ಲಿ ದಾಖಲಾಗಿದೆ.
ಸೈಫ್ ಆಲಿ ಖಾನ್ ನೀಡಿದ ಹೊಡೆತಕ್ಕೆ ಉದ್ಯಮಿ ಇಕ್ಬಾಲ್ ಮಿರ್ ಶರ್ಮಾ ಮೂಗು ಸೇರಿ ಮುಖದಲ್ಲಿ ಗಾಯವಾಗಿತ್ತು. ಇದೇ ವೇಳೆ ಸೈಫ್ ಆಲಿ ಖಾನ್ ಜೊತಗಿದ್ದ ಸಹ ನಟಿಯರು ಉದ್ಯಮಿ ಸಂಬಂಧಿಕರ ಮೇಲೆ ಅವಾಚ್ಯ ಶಬ್ದಗಳನ್ನು ಬಳಸಿದ್ದಾರೆ.
ಬಳಿಕ ಸಂಬಂಧಿಕರ ಮೇಲೆ ಹಲ್ಲೆ ಮಾಡಿದ್ದಾರೆ ಎಂದು ದೂರಿನಲ್ಲಿ ದಾಖಲಿಸಿದ್ದಾರೆ. ಈ ಪ್ರಕರಣಧಲ್ಲಿ ಸೈಫ್ ಜೊತೆಗಿದ್ದ ಎಲ್ಲಾ ನಟ ನಟಿಯರ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಈ ಪೈಕಿ ಮಲೈಕಾ ಆರೋರಾ ಕೂಡ ಒಬ್ಬರು.
ಫೆಬ್ರವರಿ 15 ರಂದು ಈ ಪ್ರಕರಣ ಸಂಬಂಧ ಮಲೈಕಾ ಅರೋರಾ ಕೋರ್ಟ್‌ಗೆ ಹಾಜರಾಗಬೇಕಿತ್ತು. ಆದರೆ ಮಲೈಕಾ ಆರೋರಾ ಗೈರಾಗಿದ್ದರು.
ಈ ವೇಳೆ ಮುಂಬೈಕೋರ್ಟ್ ಮಲೈಕಾ ಅರೋರಾಗೆ ಬೇಲೇಬಲ್ ವಾರೆಂಟ್ ಹೊರಡಿಸಿತ್ತು. ಬಳಿಕ ಪ್ರಕರಣದ ವಿಚಾರಣೆಯನ್ನು ಎಪ್ರಿಲ್ 7ಕ್ಕೆ ಮುಂದೂಡಿತ್ತು. ಇದೀಗ ಎರಡನೇ ಬಾರಿ ಮಲೈಕಾ ಆರೋರಾ ಕೋರ್ಟ್‌ಗೆ ಹಾಜರಾಗಲು ವಿಫಲರಾಗಿದ್ದಾರೆ.
ಹೀಗಾಗಿ ಕೋರ್ಟ್ ಮತ್ತೆ ಬೇಲೇಬಲ್ ವಾರೆಂಟ್ ಹೊರಡಿಸಿದೆ. ಇದೀಗ ಪ್ರಕರಣದ ವಿಚಾರಣೆಯನ್ನು ಎಪ್ರಿಲ್ 29ಕ್ಕೆ ಮುಂದೂಡಲಾಗಿದೆ.
ಹಲ್ಲೆ ಪ್ರಕರಣದಲ್ಲಿ ದೂರು ದಾಖಲಾದ ಬೆನ್ನಲ್ಲೇ ಸೈಫ್ ಆಲಿ ಖಾನ್, ಸೈಫ್ ಜೊತೆಗಿದ್ದ ಶಾಕೀಲ್ ಲದಾಕ್, ಬಿಲಾಲ್ ಅಮ್ರೊಹಿ ಅರೆಸ್ಟ್ ಆಗಿದ್ದರು. ಬಳಿಕ ಜಾಮೀನು ಪಡೆದು ಹೊರಬಂದಿದ್ದರು.