ಮಂಗಳೂರು: ಮುಂದಕ್ಕೆ ಹೋಗಬೇಕಾದ ಇಲೆಕ್ಟ್ರಿಕ್ ಕಾರೊಂದು ಏಕಾಏಕಿ ಹಿಂದಕ್ಕೆ ಚಲಿಸಿ ಸರಣಿ ಅಪಘಾತ ನಡೆಸಿದ ಘಟನೆ ಮಂಗಳೂರಿನ ರಾಷ್ಟಕವಿ ಗೋವಿಂದ ಪೈ ವೃತ್ತದ ಬಳಿ ಇಂದು ಸಂಭವಿಸಿದೆ. ಘಟನೆಯಿಂದ ಅಪಘಾತದಲ್ಲಿ ಎರಡು ಅಟೋ ಮೂರು ಕಾರುಗಳು ಜಖಂಗೊಂಡಿದ್ದು ಚಾಲಕ ಪರಾರಿಯಾಗಿದ್ದಾನೆ.
ಇಲೆಕ್ಟ್ರಿಕ್ ಕಾರ್ ರಿವರ್ಸ್ ಮೋಡ್ ನಲ್ಲಿ ಇರುವುದನ್ನು ನೋಡದೇ ಕಾರು ಚಲಾಯಿಸಿದ್ದ. ಇದರಿಂದ ಕಾರು ವೇಗವಾಗಿ ಕಾರು ರಿವರ್ಸ್ ಚಲಿಸಿ ಹಿಂಬದಿಯಿಂದ ಬರುತ್ತಿದ್ದ ಇವಿ ಅಟೋಗೆ ಢಿಕ್ಕಿ ಹೊಡೆದು, ಬಳಿಕ ಸರಣಿಯಾಗಿ ಹಿಂದಿನ ಹಲವು ವಾಹನಗಳಿಗೆ ಡಿಕ್ಕಿ ಹೊಡೆದಿದೆ. ಇದರಿಂದ ಸ್ಥಳದಲ್ಲಿ ಟ್ರಾಫಿಕ್‌ ಜಾಂ ಉಂಟಾಗಿತ್ತು. ಸ್ಥಳಕ್ಕೆ ಪೊಲೀಸರು ಆಗಮಿಸಿ ಅಪಘಾತಕ್ಕೆ ಒಳಗಾದ ಕಾರುಗಳನ್ನು ತೆರವು ಮಾಡಿ ಸಂಚಾರ ಸುಗಮಗೊಳಿಸಿದ್ದಾರೆ.