ಮಂಗಳೂರು: ಆದಿತ್ಯ ಬಿರ್ಲಾ ಜ್ಯುವೆಲ್ಲರಿಯ ಇಂದ್ರಿಯಾ ಮಂಗಳೂರಿನ ಬೆಂದೂರ್‌ವೆಲ್‌ನಲ್ಲಿ ತನ್ನ ಹೊಸ ಮಳಿಗೆಯನ್ನು ಪ್ರಾರಂಭಿಸಿದ್ದು, ಕರ್ನಾಟಕದಲ್ಲಿ ಇದು ಅದರ ಮೂರನೇ ಮಳಿಗೆಯಾಗಿದೆ. ಇದರ ಉದ್ಘಾಟನೆಯನ್ನು ಖ್ಯಾತ ಬಹುಭಾಷಾ ನಟಿ ಶಾನ್ವಿ ಶ್ರೀವಾತ್ಸವ ನೆರವೇರಿಸಿದರಲ್ಲದೆ ನಟಿ ಚಿನ್ನ ಹಾಗೂ ವಜ್ರಾಭರಣಗಳ ಪ್ರದರ್ಶನ ಮಾಡಿದರು.
ದೀಪ ಬೆಳಗಿಸುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಿ ಕನ್ನಡದಲ್ಲಿಯೇ ಮಾತನಾಡಿದ ಶಾನ್ವಿ ಶ್ರೀವಾತ್ಸವ್, ಚಿನ್ನ ಎನ್ನುವುದು ಯುವತಿಯರ ಭಾವನೆಯೊಂದಿಗೆ ಬೆಸುಗೆಯಾಗಿದೆ. ಚಿನ್ನ ನಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸುವುದರ ಜೊತೆಗೆ ಕಷ್ಟ ಕಾಲದಲ್ಲಿಯೂ ನೆರವಾಗುತ್ತದೆ. ಮಂಗಳೂರಿನ ಜನರು ಆಭರಣ ಪ್ರಿಯರು. ಇಂದ್ರಿಯಾ ಜ್ಯುವೆಲ್ಲರಿ ಅವರ ಆಭರಣದ ಕನಸನ್ನು ಈಡೇರಿಸಲಿದೆ ಎಂದು ಭಾವಿಸುತ್ತೇನೆ. ಈ ಜ್ಯುವೆಲ್ಲರಿ ಯಶಸ್ವಿಯಾಗಿ ಹಲವರ ಬದುಕಿಗೆ ನೆರವಾಗಲಿ ಎಂದು ಶುಭ ಹಾರೈಸಿದರು.
ಇಂದ್ರಿಯಾದ ಸಿಇಒ ಸಂದೀಪ್ ಕೋಹ್ಲಿ ಮಾತನಾಡಿ, “ಕರ್ನಾಟಕದಲ್ಲಿ ಇಂದ್ರಿಯಾ ಹೆಜ್ಜೆಗುರುತನ್ನು ವಿಸ್ತರಿಸುತ್ತಿದೆ. ಇದೀಗ ಮಂಗಳೂರಿಗೂ ಕಾಲಿಡುವ ಮೂಲಕ ಯಶಸ್ಸಿನ ದಾಪುಗಾಲು ಇಡುತ್ತಿದೆ. ಕರಾವಳಿ ನಗರದ ಸಂಸ್ಕೃತಿ ಮತ್ತು ಸನಾತನ ಸೌಂದರ್ಯದಿಂದ ಕಂಗೊಳಿಸುತ್ತಿದ್ದು, ಅದಕ್ಕೆ ಪೂರಕವಾಗಿ ಜ್ಯುವೆಲ್ಲರಿಯಲ್ಲಿ ಚಿನ್ನಾಭರಣಗಳ ಸಂಗ್ರಹವಿದ್ದು, ಅವರ ಸೊಬಗನ್ನು ಇಮ್ಮಡಿಗೊಳಿಸುತ್ತದೆ. ಇಂದ್ರಿಯಾದಲ್ಲಿ ಹಲವು ವಿಶಿಷ್ಟ ಸಂಗ್ರಹಗಳಿದ್ದು, ಅಸಾಧಾರಣ ಕುಶಲತೆಯ ಮೂಲಕ ಗ್ರಾಹಕರಿಗೆ ವಿಶಿಷ್ಟವಾದ ಆಭರಣ ಅನುಭವವನ್ನು ನೀಡಲಿದೆ. ಕರ್ನಾಟಕದಲ್ಲಿ ತನ್ನ ಮಳಿಗೆಯನ್ನು ಇನ್ನಷ್ಟು ವಿಸ್ತರಿಸಲಾಗುವುದು ಎಂದು ವಿವರಿಸಿದರು.
ರಿಟೈಲ್‌ ಮುಖ್ಯಸ್ಥ ಅಮಿತ್‌ ಧರಪ್‌ ಮಾತನಾಡಿ, ಮಂಗಳೂರಿನ ಬೆಂದೂರ್‌ವೆಲ್‌ನಲ್ಲಿ ಹೊಸದಾಗಿ ಪ್ರಾರಂಭಿಸಲಾದ ಇಂದ್ರಿಯಾ ಮಳಿಗೆಯಲ್ಲಿ ಭಾರತೀಯ ಕರಕುಶಲತೆ ಅನುಗುಣವಾದ ಚಿನ್ನಾಭರಣಗಳು ಲಭ್ಯವಿದೆ. ಇಲ್ಲಿ 28,000 ಕ್ಕೂ ಹೆಚ್ಚು ವಿನ್ಯಾಸಗಳ ಪ್ರದರ್ಶನವಿದ್ದು, ಗ್ರಾಹಕರಿಗೆ ವಿಶಿಷ್ಠ ಅನುಭವ ನೀಡುತ್ತದೆ ಎಂದರು.
ಸಮಾರಂಭದಲ್ಲಿ ಜೆಸಿಂತಾ ಡಿಸೋಜಾ, ಗ್ರಾಹಕರಾದ ರಜಿಂತಾ ಮತ್ತು ರಚಿತಾ, ಎಜೆ ಶೆಟ್ಟಿ, ಕಟ್ಟಡ ಮಾಲಕ ಪ್ರಭಾಕರ ಶೆಟ್ಟಿ, ಡಾ| ಜಾಸ್ಮಿನ್‌ ಡಿಸೋಜಾ, ಯುವ ಉದ್ಯಮಿ ಲೋಕೇಶ್‌ ಕೋಡಿಕೆರೆ, ಇಂದ್ರಿಯಾ ಸಂಸ್ಥೆಯ ಪ್ರಕಾಶ್‌, ಕೇಶವ್‌, ಅರವಿಂದ, ಕಿಶೋರ್‌, ರೀಜನಲ್‌ ಬಿಸ್ನೆಸ್‌ ಮ್ಯಾನೇಜರ್‌ ರಘುರಾಮ ರಾವ್‌, ಸ್ಟೋರ್‌ ಮ್ಯಾನೇಜರ್‌ ಪ್ರಶಾಂತ್‌, ಕಲಂದರ್‌ ಮುನ್ನಾ ಮತ್ತಿತರರು ಉಪಸ್ಥಿತರಿದ್ದರು.
ರಾಷ್ಟ್ರವ್ಯಾಪಿ ಇಂದ್ರಿಯಾಗೆ 39 ಮಳಿಗೆಗಳು
ಇಂದ್ರಿಯಾಗೆ ರಾಷ್ಟ್ರವ್ಯಾಪಿ ಒಟ್ಟು 39 ಮಳಿಗೆಗಳಿದ್ದು, ಇದೀಗ ಮಂಗಳೂರಿನಲ್ಲಿ ತನ್ನ ಹೊಸ ಮಳಿಗೆಯನ್ನು ಪ್ರಾರಂಭಿಸುವುದರೊಂದಿಗೆ ಕರ್ನಾಟಕದಲ್ಲಿ ತನ್ನ ಉಪಸ್ಥಿತಿಯನ್ನು ಬಲಪಡಿಸಿದೆ. ದೆಹಲಿಯಲ್ಲಿ ಆರು ಔಟ್‌ಲೆಟ್ಗಳು, ಮುಂಬೈ ಮತ್ತು ಹೈದರಾಬಾದ್‌ಗಳಲ್ಲಿ ತಲಾ ನಾಲ್ಕು, ಪುಣೆಯಲ್ಲಿ ಮೂರು, ಆಹಮದಾಬಾದ್, ಜೈಪುರ, ಪಾಟ್ನಾ ಮತ್ತು ಬೆಂಗಳೂರಿನಲ್ಲಿ ತಲಾ ಎರಡು ಮಳಿಗೆಗಳು ಮತ್ತು ಇಂದೋರ್, ಜೋಧಪುರ, ಸೂರತ್, ವಿಜಯವಾಡ, ಭುವನೇಶ್ವರ, ಲಕ್ನೋ, ಪ್ರಯಾಗ್‌ರಾಜ್, ಕಾನ್ಸುರ, ಆಗ್ರಾ, ಗಯಾ, ಜಮ್ಮು, ಛತ್ರಪತಿ ಸಂಭಾಜಿನಗರ, ಚಂಡೀಗಢ, ಮತ್ತು ಮಂಗಳೂರು ಮುಂತಾದ ಪ್ರಮುಖ ನಗರಗಳಲ್ಲಿ ತಲಾ ಒಂದು ಮಳಿಗೆಗಳಿವೆ.