ಕಾರ್ಕಳ: ಟೆಲಿಗ್ರಾಂ ಅಪ್ಲಿಕೇಷನ್‌ನಲ್ಲಿ ಪಾರ್ಟ್‌ ಟೈಂ ಜಾಬ್‌ ಮೂಕ ಪ್ರತಿದಿನ ಸಾವಿರಾರು ಗಣ ಗಳಿಸಿ ಎಂಬ ಆಫರ್‌ನಿಂದ ಫಿದಾ ಆದ ಯುವತಿಯೋರ್ವಳು ಬರೋಬ್ಬರಿ 1.45 ಲಕ್ಷ ರೂ. ಪಂಗನಾಮ ಹಾಕಿಸಿಕೊಂಡ ಘಟನೆ ಹಿರ್ಗಾನದಲ್ಲಿ ನಡೆದಿದೆ.
ಹಿರ್ಗಾನ ಗ್ರಾಮದ ಕೀರ್ತನಾ (25) ವಂಚನೆಗೊಳಗಾದ ಅಮಾಯಕಿ.
ಟೆಲಿಗ್ರಾಮ್ ಆ್ಯಪ್‌ನಲ್ಲಿ ಲಿಂಕ್‌ ಕ್ಲಿಕ್ಕಿಸಿದಾಗ ಅದರಲ್ಲಿ ಮನೆಯಿಂದಲೇ ಮಾಡುವ ಅರೆಕಾಲಿಕ ಕೆಲಸದ ಬಗ್ಗೆ ಮಾಹಿತಿ ಇತ್ತು. ಮೊದಲು 1000 ರೂ. ಹೂಡಿಕೆ ಮಾಡುವಂತೆ ತಿಳಿಸಲಾಗಿತ್ತು. ಕೀರ್ತನಾ ಅವರು ತಮ್ಮ ಬ್ಯಾಾಂಕ್ ಆಫ್ ಬರೋಡಾ ಖಾತೆಯಿಂದ 1000 ರೂ. ಕಳುಹಿಸಿದ್ದಾರೆ. ಇದರಿಂದ ಅವರಿಗೆ 3000 ರೂ. ಹಣ ನೀಡಿದ್ದಾರೆ. ಅದೇ ರೀತಿ ಹೆಚ್ಚು ಹೂಡಿಕೆ ಮಾಡುವಂತೆ ಕೀರ್ತನಾ ಅವಳಿಗೆ ಮಾಹಿತಿ ನೀಡಿದ್ದು, ಹಂತ ಹಂತವಾಗಿ 1.45 ಲಕ್ಷ ರೂ. ಹಣವನ್ನು ನಿತ್ಯಾ ಪೊನ್ನುಮಣಿ ಎಂಬ ಹೆಸರಿನ ಖಾತೆಗೆ ಸ್ಕ್ಯಾನ್ ಮಾಡಿ ಪಾವತಿಸಿದ್ದಾರೆ. ಕೀರ್ತನಾ ಅವರು ಕಳುಹಿಸಿದ ಹಣ ಅದರ ಲಾಭಾಂಶವಾಗಲೀ ವಾಪಸ್ ನೀಡದೆ ವಂಚನೆ ಮಾಡಲಾಗಿದೆ ಎಂದು ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಲಾಗಿದೆ.
ನೀವಿನ್ನೂ ಡ್ರೀಮ್ ಡೀಲ್ ಗ್ರೂಪ್ ಸೇರಿಲ್ಲವೇ? ಹಾಗಾದ್ರೆ ಈಗಲೇ ಗ್ರೂಪ್ ಜಾಯಿನ್ ಆಗಿ ಖಚಿತ ಬಹುಮಾನಗಳನ್ನು ಗೆಲ್ಲಿರಿ🤝