ಅಸ್ಸಾಂ ಮೂಲದ ಬಾಲಕ ನಾಪತ್ತೆ

ಸುರತ್ಕಲ್: ಮೂಲತಃ ಅಸ್ಸಾಮ್ ನಿವಾಸಿ ಹಾಲಿ ಜೋಕಟ್ಟೆ ಹಳೆ ಮಸೀದಿ ಬಳಿ ತನ್ನ ತಾಯಿಯ ಜೊತೆ ವಾಸವಿದ್ದ 12 ವರ್ಷ ವಯಸ್ಸಿನ ಬಾಲಕ ಶಾಹಿದ್ ಅಹಮ್ಮದ್ ಲಷ್ಕರ್ ಎಂಬವನು ದಿನಾಂಕ 08.03.2024 ರಂದು ಬೆಳಗ್ಗೆ 8:30 ಗಂಟೆಗೆ ಮಸೀದಿಗೆಂದು ಮನೆಯಿಂದ ಹೊರಗೆ ಹೋದವನು ಮನೆಗೆ ವಾಪಾಸು ಬಾರದೇ ಕಾಣೆಯಾಗಿದ್ದಾನೆ. ಈ ಕುರಿತು ಬಾಲಕನ ತಾಯಿ ನೀಡಿದ ದೂರಿನಂತೆ ಪಣಂಬೂರು ಪೊಲೀಸ್ ಠಾಣೆಯಲ್ಲಿ
ಪ್ರಕರಣ ದಾಖಲಾಗಿದೆ. ಬಾಲಕನನ್ನು ಎಲ್ಲಿಯಾದರೂ ಕಂಡರೆ ಪಣಂಬೂರು ಪೊಲೀಸ್ ಠಾಣೆಯ ಈ ಕೆಳಗೆ ನಮೂದಿಸಿದ ದೂರವಾಣಿ ಸಂಖ್ಯೆಗಳನ್ನು ಸಂಪರ್ಕಿಸಿ ಮಾಹಿತಿ ನೀಡಲು ಕೋರಿದೆ.
ಬಾಲಕ ಸುಮಾರು 4 ಅಡಿ ಎತ್ತರ, ಎಣ್ಣೆ ಕಪ್ಪು ಮೈಬಣ್ಣ, ತೆಳ್ಳಗಿನ ಶರೀರ, ಹಳದಿ ಬಣ್ಣದ ತುಂಬು ತೋಳಿನ ಟಿ.ಶರ್ಟ್, ಬಿಳಿ ಬಣ್ಣದ ಪ್ಯಾಂಟ್ ಧರಿಸಿರುತ್ತಾನೆ. ಉರ್ದು, ಹಿಂದಿ, ಕನ್ನಡ ಭಾಷೆಯನ್ನು ಮಾತನ್ನಾಡುತ್ತಾನೆ.
ಸಂಪರ್ಕ ಸಂಖ್ಯೆ: 0824-2220530, 9480805355, 9480805331