ಬೆಂಗಳೂರು: ವಿಶ್ವವಿಖ್ಯಾತ ತಿರುಪತಿ ತಿರುಮಲ ದೇವಸ್ಥಾನದಲ್ಲಿ ಕಳೆದ 4 ವರ್ಷಗಳಿಂದ ದೇಗುಲದ ಉನ್ನತ ಸ್ಥಾನಗಳನ್ನು ನಿಭಾಯಿಸಿಕೊಂಡು ಈಗ ಮುಖ್ಯ ಆಡಳಿತಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿರುವ ಧರ್ಮ ರೆಡ್ಡಿ ಯವರನ್ನು ಬೆಂಗಳೂರಿನ ಅಂತಾರಾಷ್ಟ್ರೀಯ ವಾಸ್ತು ತಜ್ಞ, ಧಾರ್ಮಿಕ ಗುರು ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿಯವರು ಅವಿಭಾಜಿತ ದಕ್ಷಿಣ ಕನ್ನಡ ಹಾಗೂ ಉಡುಪಿ ಜಿಲ್ಲೆಯ ಸಂಸ್ಕೃತಿಯ ಪ್ರತೀಕವಾದ ಸ್ವರ್ಣ ಖಚಿತ ಪ್ರಭಾವಳಿ ಸಹಿತ ಶ್ರೀ ಕೃಷ್ಣ ದೇವರ ಸ್ಮರಣೆಕೆ ನೀಡಿ ವಿಶೇಷವಾಗಿ ಸನ್ಮಾನಿಸಿದರು.
ಈ ಸಂದರ್ಭ ಸ್ವಾಮೀಜಿಯವರು ಮಾತನಾಡಿ ಧರ್ಮರೆಡ್ಡಿರವರು ಸರಳ ವ್ಯಕ್ತಿತ್ವದ ನೇರ ನಡೆಯ ಶುದ್ಧ ಹಸ್ತದ ಐ ಎ ಎಸ್ ಅಧಿಕಾರಿಯಾಗಿ ತಿರುಪತಿ ದೇವರ ದರ್ಶನಕ್ಕೆ ಬರುವ ಸಾಮಾನ್ಯ ಭಕ್ತರ ಒಡನಾಡಿಯಾಗಿ ಕರ್ನಾಟಕದ ಯಾತ್ರಾದಿಗಳಿಗೆ ವಿಶೇಷ ಸವಲತ್ತು ಹಾಗೂ ಗೌರವಗಳನ್ನು ಒದಗಿಸುತ್ತಿರುವ ಅವರ ಸೇವೆ ಅಭಿನಂದನೀಯ ಎಂದರು. ಇದೇ ಸಂದರ್ಭದಲ್ಲಿ ಅಧಿಕಾರಿ ಧರ್ಮರೆಡ್ಡಿ ರವರು ಸ್ವಾಮಿಜಿ ರವರನ್ನು ಗೌರವಿಸಿದರು.
ಈ ಸಂದರ್ಭ ಶ್ರೀ ಚಂದ್ರಶೇಖರ ಸ್ವಾಮೀಜಿ ಆಶ್ರಮದ ನಿರ್ದೇಶಕರಾದ ರಜನಿ ಸಿ ಭಟ್, ರಾಹುಲ್ ಚಂದ್ರಶೇಖರ್, ಸಂಚಾಲಕ ಪುನೀತ್ ಕೃಷ್ಣ, ಗುರುಪ್ರಸಾದ್ ಭಟ್ ಮುಂಡ್ಕೂರು ಮತ್ತಿತರರು ಉಪಸ್ಥಿತರಿದ್ದರು