ಹಳೆಯಂಗಡಿ: ಶಿವಳ್ಳಿ ಸ್ಪಂದನ ಪಾವಂಜೆ ವಲಯದ ವಿಶೇಷ ಸಭೆ ಭಾನುವಾರ ಹಳೆಯಂಗಡಿಯ ರಾಮಾನುಗ್ರಹ ಸಭಾ ಭವನದಲ್ಲಿ ನಡೆಯಿತು. ಸಂಘದ ಅಧ್ಯಕ್ಷ ರಾದ ಶ್ರೀ ಎಸ್ ಎಸ್ ಸತೀಶ್ ಭಟ್ ಅವರು ಅಧ್ಯಕ್ಷತೆ ವಹಿಸಿದರು. ತಾಲೂಕು ಪ್ರತಿನಿಧಿ ಯಾದ ಶ್ರೀ ಪ್ರದೀಪ್ ಕುಮಾರ್ ಅವರು ಮುಖ್ಯ ಅತಿಥಿ ಯಾಗಿ ಭಾಗವಹಿಸಿ, ಪಾವಂಜೆ ವಲಯದ ಸರ್ವ ಸದಸ್ಯರ ದೂರವಾಣಿ ಕೈಪಿಡಿ ಬಿಡುಗಡೆ ಗೊಳಿಸಿದರು.
ಸದ್ರಿ ಕಾರ್ಯದರ್ಶಿ ಯಾಗಿರುವ ಶ್ರೀ ಗಣೇಶ್ ತಂತ್ರಿ ಯವರು ಪಾವಂಜೆ ವಲಯದ ಉಸ್ತುವಾರಿ ಯೂ ಆಗಿರುವುದರಿಂದ ಅವರ ರಾಜೀನಾಮೆಯನ್ನು ಅಂಗೀಕರಿಸಿ ಪ್ರಸನ್ನಕುಮಾರ್ ಅವರನ್ನು ನೂತನ ಕಾರ್ಯದರ್ಶಿ ಯಾಗಿ ನೇಮಿಸಲಾಯಿತು
ಈ ಸಂದರ್ಭದಲ್ಲಿ ಮಹಿಳಾ ಘಟಕದ ಪದಾಧಿಕಾರಿಗಳ ನೇಮಕಾತಿ ಪ್ರಕ್ರಿಯೆ ನಡೆದು, ಶ್ರೀ ಮತಿ ಸುಧಾ ವಿಷ್ಣುಮೂರ್ತಿ ಭಟ್ ಅವರನ್ನು ಉಪಾಧ್ಯಕ್ಷೆ, ಶ್ರೀಮತಿ ರತಿ ಭಟ್ ಅವರನ್ನು ಕಾರ್ಯದರ್ಶಿ ಯಾಗಿ ಹಾಗೂ ಶ್ರೀಮತಿ ಇಂದಿರಾ ಭಟ್ ಅವರನ್ನು ಸಂಘಟನಾ ಕಾರ್ಯದರ್ಶಿ ಯಾಗಿ ನೇಮಕ ಮಾಡಲಾಯಿತು.
ಗಣೇಶ್ ತಂತ್ರಿ ಯವರು ಪ್ರಾಸ್ತವಿಕ ಮಾತನಾಡಿದರು. ಪ್ರಸನ್ನಕುಮಾರ್ ಅವರು ಕಾರ್ಯಕ್ರಮ ನಿರೂಪಿಸಿದರು..
ಹೊಯಿಗೆಗುಡ್ಡೆ ದೇವಾಲಯದ ಅರ್ಚಕರಾದ ಶ್ರೀ ರಂಗನಾಥ ಭಟ್, ರಾಮನಾಥ ಭಟ್, ಶಿವಳ್ಳಿ ಸ್ಪಂದನ ಪಾವಂಜೆ ವಲಯದ ಪದಾಧಿಕಾರಿಗಳು, ಮಾಧ್ಯಮ ಪ್ರತಿನಿಧಿ ಮೋಹನ್ ರಾವ್ ಮತ್ತು ತೋಕೂರು ದೇವಸ್ಥಾನದ ಆಡಳಿತ ಮೊಕ್ತೇಸರ ಹರಿದಾಸ್ ಭಟ್, ಉಪಸ್ಥಿತರಿದ್ದರು.