ದಾವಣಗೆರೆ: ದೇಶಾದ್ಯಂತ ಹೆಸರುಗಳಸಿರುವ ಜನರ ಮೆಚ್ಚಿನ ಡ್ರೀಮ್ ಡೀಲ್ ಗ್ರೂಪ್ ತನ್ನ ಎರಡನೇ ಆವೃತ್ತಿಯನ್ನು ದಾವಣಗೆರೆ ಲೋಕಾರ್ಪಣೆ ಮಾಡಿದೆ. ಎರಡನೇ ಆವೃತ್ತಿಯ ಲೋಕಾರ್ಪಣೆ ಕಾರ್ಯಕ್ರಮ ದಾವಣಗೆರೆಯ ಹೊಟೇಲ್ ಪೂಜಾ ಇಂಟರ್ನ್ಯಾಷನಲ್ ನೆರವೇರಿತು. ಕಾರ್ಯಕ್ರಮವನ್ನು ಡ್ರೀಮ್ ಡೀಲ್ ಗ್ರೂಪ್ ನ ವ್ಯವಸ್ಥಾಪಕ ನಿರ್ದೇಶಕ ಮಹಮ್ಮದ್ ಸುಹೈಲ್, ಖ್ಯಾತ ಚಿತ್ರ ನಟಿ ಸುಧಾರಾಣಿ, ಕಾಮಿಡಿ ಕಿಲಾಡಿಗಳು ಸೀಸನ್ ೪ ರ ಮೊದಲ ರನ್ನರ್ ಅಪ್ ಗಿಲ್ಲಿ ನಟ, ಖ್ಯಾತ ನಿರೂಪಕಿ ಅನುಪಮ ಭಟ್ ಇತರ ಗಣ್ಯರು ಸೇರಿ ಉದ್ಘಾಟಿಸಿದರು. ಈ ವೇಳೆ ಖ್ಯಾತ ಚಿತ್ರ ನಟಿ ಸುಧಾರಾಣಿ ಮಾತನಾಡಿ ಡ್ರೀಮ್ ಡೀಲ್ ಗ್ರೂಪ್ ಮಂಗಳೂರಿನಲ್ಲಿ ಪ್ರಾರಂಭಗೊಂಡು ಇದೀಗಾ ರಾಜ್ಯದ ಬೇರೆ ಬೇರೆ ಜಿಲ್ಲೆಗಳಲ್ಲಿ ಮಾತ್ರವಲ್ಲದೆ ದೇಶಾದ್ಯಂತ ತಮ್ಮ ಸಂಸ್ಥೆಯನ್ನು ವಿಸ್ತರಿಸುತ್ತ ಯುವ ಪೀಳಿಗೆಗೆ ಉದ್ಯಮ ಮತ್ತು ಉದ್ಯೋಗ ನೀಡುವ ಮೂಲಕ ಜನಮಾನಸದಲ್ಲಿ ಉಳಿದಿದ್ದಾರೆ. ಇದೀಗಾ ನಮ್ಮ ದಾವಣಗೆರೆಯಲ್ಲೂ ಸಂಸ್ಥೆಯ ಎರಡನೇ ಆವೃತ್ತಿ ಆರಂಭವಾಗಿದ್ದು ಜನ್ರ ಅಗತ್ಯತೆ ಮತ್ತು ಕನಸನ್ನು ನನಸಾಗಿಸಲಿದ್ದಾರೆ. ಇಂತಹ ಯುವಕರು ಸೇರಿ ಸ್ಥಾಪಿಸಿದ ಸಂಸ್ಥೆಗಳಿಗೆ ನಾವು ಪ್ರೋತ್ಸಾಹಿಸಿ ಅವರನ್ನು ಬೆಳೆಸಬೇಕು ಎಂದವರು ಹೇಳಿದರು.
ಸಂಸ್ಥೆಯ ಮ್ಯಾನೇಜಿಂಗ್ ಡೈರೆಕ್ಟರ್ ಮಹಮ್ಮದ್ ಸುಹೈಲ್ ಮಾತನಾಡಿ ಡ್ರೀಮ್ ಡೀಲ್ ಸಂಸ್ಥೆಯು ಇದು ನಮ್ಮ ಗ್ರಾಹಕರ ಸಂಸ್ಥೆಯಾಗಿದೆ. ಈಗಾಗಲೇ ರಾಜ್ಯದಲ್ಲಿ ೧೬ ಕಡೆ ಕಚೇರಿಯನ್ನು ತೆರೆದಿದ್ದು ಇನ್ನೂ ಕೆಲವು ಸಂಸ್ಥೆಗಳ ಕಾಮಗಾರಿ ಹಂತದಲ್ಲಿ ಇದೆ. ಮುಂದಿನ ವರ್ಷದಲ್ಲಿ ದೇಶಾದ್ಯಂತ ಸಂಸ್ಥೆಯು ಕಚೇರಿಯನ್ನು ತೆರೆಯುವ ಮೂಲಕ ದೇಶದಲ್ಲಿ ೪ ಕೋಟಿಗೂ ಅಧಿಕ ಉದ್ಯೋಗ ಸೃಷ್ಟಿಸುವ ಗುರಿ ಹೊಂದಿದೆ ಎಂದವರು ಹೇಳಿದರು.