ಮಂಗಳೂರಿನಲ್ಲಿ, ಹೆಸರಾಂತ ಸಂಗೀತಗಾರ ಗೋಪಿ ಕಾಮತ್ ಅವರಿಂದ ರೆಟ್ರೋ ಬಾಲಿವುಡ್ ಸಂಗೀತ

ಮಂಗಳೂರು: ಯುಎಇ ಮೂಲದ ಖ್ಯಾತ ಸಂಗೀತಗಾರ, ಗಿಟಾರ್ ವಾದಕ ಮತ್ತು ಗಾಯಕ ಗೋಪಿ ಕಾಮತ್
ಅವರ ಖ್ಯಾತ ರೆಟ್ರೊ ಬಾಲಿವುಡ್ ಮೆಲೋಡಿಗಳ ಸಂಗೀತ ಕಾರ್ಯಕ್ರಮ ಮಾರ್ಚ್ 9ರಂದು ಮಂಗಳೂರಿನಲ್ಲಿ ಆಯೋಜಿಸಲಾಗಿದೆ.
ರಾಜ್ಯ ಪ್ರಶಸ್ತಿ ಪುರಸ್ಕೃತರಾದ ಗೌರವಾನ್ವಿತ ವಾಯೊಲಿನ್ ವಾದಕ ರಂಗ ಪೈ ಮತ್ತು ಪ್ರತಿಭಾವಂತ ಮರಾಠಿ ಹಿನ್ನೆಲೆ
ಗಾಯಕಿ ಶ್ರೀಮತಿ ಅನುಷ್ಕಾ ಚಡ್ಡಾ ಸೇರಿದಂತೆ ಬಾಲಿವುಡ್‌ನ ನುರಿತ ಸಂಗೀತಗಾರರ ತಂಡದೊಂದಿಗೆ ಕಾಮತ್ ಅವರು ‘ಎವರ್‌ಗ್ರೀನ್ ಮೆಲೋಡೀಸ್’ ನೊಂದಿಗೆ ಸಂಗೀತ ಆಸಕ್ತರನ್ನು ಮೋಡಿಗೊಳಿಸಲಿದ್ದಾರೆ.
ಗೋಪಿ ಕಾಮತ್ ಅವರು ಬಹುಮುಖ ಸಂಗೀತ ಸಾಮರ್ಥ್ಯಗಳಿಗೆ ಹೆಸರುವಾಸಿಯಾಗಿದ್ದಾರೆ. ಗಾಯನ, ಗಿಟಾರ್, ಕೀಬೋರ್ಡ್ ಮತ್ತು ಹಾರ್ಮೋನಿಕಾದೊಂದಿಗೆ ಕಾರ್ಯಕ್ರಮವನ್ನು ನಡೆಸಲಿದ್ದಾರೆ. ಪ್ರಧಾನವಾಗಿ ಸಂಗೀತದ ಬೆಸೆಯಲಿರುವ ಸುವರ್ಣ ಯುಗದ ರೆಟ್ರೊ ಹಾಡುಗಳನ್ನು ಹಾಡಲಿದ್ದಾರೆ.
ಮೆಲೋಡಿಗಳಿಗೆ ಮಾತ್ರ ಸೀಮಿತವಾಗಿಲ್ಲದೆ, ರೆಟ್ರೊ ಇಂಗ್ಲಿಷ್ ಹಾಡುಗಳ ಆಕರ್ಷಕ ಪ್ರದರ್ಶನಗಳನ್ನು ಸಹ
ನೀಡಲಿದ್ದಾರೆ. ಉಡುಪಿ ಮೂಲದ ಅವರು, ಕನ್ನಡ, ತುಳು ಮತ್ತು ಕೊಂಕಣಿ ಹಾಡುಗಳ ಸಮೃದ್ಧ ಮಿಶ್ರಣದೊಂದಿಗೆ ವಿಶಿಷ್ಟವಾದ ಸಂಗೀತ ಕಾರ್ಯಕ್ರಮವನ್ನು ನೀಡಲಿದ್ದಾರೆ. 14 ದೇಶಗಳಲ್ಲಿ ಪ್ರಸ್ತುತಗೊಂಡಿರುವ ಅವರ ಪ್ರದರ್ಶನಗಳು ನಿರಂತರವಾಗಿ ಜನಮನಗಳನ್ನು ಸೆಳೆಯುತ್ತಿದ್ದು, ವಿಶೇಷವಾಗಿ ಯುಎಇಯಲ್ಲಿ ಅವರು ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ.
ಮಾರ್ಚ್ 9, 2024 ರಂದು ಮಂಗಳೂರಿನ ಹೋಟೆಲ್ ಮೋತಿ ಮಹಲ್‌ನ ಕನ್ವೆನ್ಸನ್ ಹಾಲ್‌ನಲ್ಲಿ ಸಂಜೆ 7:00 ನಡೆಯಲಿದೆ ಎಂದರು.
ಪ್ರತಿಕಾಗೋಷ್ಠಿಯಲ್ಲಿ ಗೋಪಿ ಕಾಮತ್, ಜೆರಿ ಡಿಮೆಲ್ಲೊ ಮತ್ತು ರೀನಾ ಪಿಂಟೊ ಉಪಸ್ಥಿತರಿದ್ದರು.