ಹಳೆಯಂಗಡಿ: ಇಲ್ಲಿಗೆ ಸಮೀಪದ ಬೆಳ್ಳಾಯರು ಚಂದ್ರಮೌಳೀಶ್ವರ ದೇವಸ್ಥಾನದ ಬ್ರಹ್ಮಕಲಶೋತ್ಸವ ಜನವರಿ 30 ರಿಂದ ಫೆಬ್ರವರಿ 3ವರೆಗೆ ನಡೆಯಲಿದ್ದು ಅದರ ಪೂರ್ವಭಾವಿಯಾಗಿ ಕ್ಷೇತ್ರದಲ್ಲಿ ದೈವಸ್ಥಾನದ ದ್ವಾರ ಪ್ರತಿಷ್ಠೆ ಹಾಗೂ ಚಪ್ಪರ ಮಹೂರ್ತ ಬ್ರಹ್ಮಶ್ರೀ ದೇರೇಬೈಲ್ ಶಿವಪ್ರಸಾದ ತಂತ್ರಿ ಹಾಗೂ ಅರ್ಚಕ ಗೋಪಾಲ ಭಟ್ ಪೌರೋಹಿತ್ಯದಲ್ಲಿ ನಡೆಯಿತು.
ಈ ಸಂದರ್ಭ ಆಡಳಿತ ಮೊಕ್ತೇಸರ ಹಾಗೂ ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷ ಪಾದೆಮನೆ ಜಯಂತ ರೈ ಮಾತನಾಡಿ, “ಧಾರ್ಮಿಕ ಕ್ಷೇತ್ರಗಳ ಜೀರ್ಣೋದ್ಧಾರದ ಮೂಲಕ ಮೂಲಕ ಗ್ರಾಮೀಣ ಪ್ರದೇಶಗಳ ಅಭಿವೃದ್ಧಿ ಸಾಧ್ಯ” ಎಂದರು.
ಪ್ರಧಾನ ಕಾರ್ಯದರ್ಶಿ ಕೃಷ್ಣ ಬಿ ರಾವ್, ಕೋಶಾಧಿಕಾರಿ ಪ್ರವೀಣ್ ಶೆಟ್ಟಿ, ಕಾರ್ಯಾಧ್ಯಕ್ಷ ಶೇಖರ್ ಶೆಟ್ಟಿ, ವಿದ್ಯಾಧರ ಶೆಟ್ಟಿ ಕೋಲ್ನಾಡುಗುತ್ತು, ವಿನೋದ್ ಸಾಲ್ಯಾನ್ ಬೆಳ್ಳಾಯರು, ವಿಜಯ ಶೆಟ್ಟಿ ಕೋಲ್ನಾಡು, ಕಾರ್ಯದರ್ಶಿ ಅಕ್ಷಯ್ ಭಟ್, ದಿನೇಶ್ ಕೊಲ್ನಾಡು, ಗೌರವ ಸಲಹೆಗಾರ ರಾಮಚಂದ್ರ ನಾಯ್ಕ, ಅನಂತರಾಮ ರಾವ್, ಸಮಿತಿ ಸದಸ್ಯರಾದ ಸುಮಿತ್ರ, ರೋಹಿಣಿ, ಸವಿತಾ ಬೆಳ್ಳಾಯರು, ಜಯಕೃಷ್ಣ ಕೋಟ್ಯಾನ್, ರಾಘವ ಸುವರ್ಣ, ದಿನೇಶ್ ಶೆಟ್ಟಿ ವಂದಾಡಿ, ಮಾಧವ ಶೆಟ್ಟಿ ಉತ್ರಂಜೆ, ಸಂಧ್ಯಾ ದಿನೇಶ್, ಕೃಷ್ಣರಾಜ ಭಟ್ ಅಡ್ವೆ ಮತ್ತಿತರರು ಉಪಸ್ಥಿತರಿದ್ದರು